| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
អនាបត្តិភេទវណ្ណនា
Anāpattibhedavaṇṇanā
១៣១. យាយ សេយ្យាយ សយិតោ កាលំ ករោតិ, សា អនុដ្ឋានសេយ្យា នាម។ ‘‘ចិត្តេន បន អធិវាសេតី’’តិ វុត្តមត្ថំ វិភាវេតុំ ‘‘ន កិញ្ចិ វទតី’’តិ វុត្តំ។ បាកតិកំ កាតុន្តិ យត្តកំ គហិតំ បរិភុត្តំ វា, តត្តកំ ទាតព្ពន្តិ វុត្តំ ហោតិ។
131. Yāya seyyāya sayito kālaṃ karoti, sā anuṭṭhānaseyyā nāma. ‘‘Cittena pana adhivāsetī’’ti vuttamatthaṃ vibhāvetuṃ ‘‘na kiñci vadatī’’ti vuttaṃ. Pākatikaṃ kātunti yattakaṃ gahitaṃ paribhuttaṃ vā, tattakaṃ dātabbanti vuttaṃ hoti.
បដិទស្សាមីតិ យំ គហិតំ, តទេវ វា អញ្ញំ វា តាទិសំ បុន ទស្សាមីតិ អត្ថោ។ សង្ឃសន្តកេ សង្ឃំ អនុជានាបេតុមសក្កុណេយ្យត្តា កស្សចិ វត្ថុនោ អននុជានិតព្ពតោ ច ‘‘សង្ឃសន្តកំ បន បដិទាតុមេវ វដ្ដតី’’តិ វុត្តំ។
Paṭidassāmīti yaṃ gahitaṃ, tadeva vā aññaṃ vā tādisaṃ puna dassāmīti attho. Saṅghasantake saṅghaṃ anujānāpetumasakkuṇeyyattā kassaci vatthuno ananujānitabbato ca ‘‘saṅghasantakaṃ pana paṭidātumeva vaṭṭatī’’ti vuttaṃ.
តស្មិំយេវ អត្តភាវេ និព្ពត្តាបីតិ តស្មិំយេវ មតសរីរេ ឧប្បន្នាបិ។ វិនីតវត្ថូសុ សាដកតណ្ហាយ តស្មិំយេវ មតសរីរេ និព្ពត្តបេតោ វិយាតិ ទដ្ឋព្ពំ។ រុក្ខាទីសុ លគ្គិតសាដកេ វត្តព្ពមេវ នត្ថីតិ មនុស្សេហិ អបរិគ្គហិតំ សន្ធាយ វុត្តំ។ សចេ បន តំ អារក្ខកេហិ បរិគ្គហិតំ ហោតិ, គហេតុំ ន វដ្ដតីតិ។
Tasmiṃyeva attabhāve nibbattāpīti tasmiṃyeva matasarīre uppannāpi. Vinītavatthūsu sāṭakataṇhāya tasmiṃyeva matasarīre nibbattapeto viyāti daṭṭhabbaṃ. Rukkhādīsu laggitasāṭake vattabbameva natthīti manussehi apariggahitaṃ sandhāya vuttaṃ. Sace pana taṃ ārakkhakehi pariggahitaṃ hoti, gahetuṃ na vaṭṭatīti.
អនាបត្តិភេទវណ្ណនា និដ្ឋិតា។
Anāpattibhedavaṇṇanā niṭṭhitā.
បទភាជនីយវណ្ណនា និដ្ឋិតា។
Padabhājanīyavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ទុតិយបារាជិកំ • 2. Dutiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ទុតិយបារាជិកំ • 2. Dutiyapārājikaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនាបត្តិភេទវណ្ណនា • Anāpattibhedavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អនាបត្តិភេទវណ្ណនា • Anāpattibhedavaṇṇanā
