| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
అనాపత్తిభేదవణ్ణనా
Anāpattibhedavaṇṇanā
౧౩౧. తస్మింయేవ అత్తభావే నిబ్బత్తాతి తస్మింయేవ మతసరీరే పేతత్తభావేన నిబ్బత్తా. రుక్ఖాదీసు లగ్గితసాటకే వత్తబ్బమేవ నత్థీతి మనుస్సేహి అగోపితం సన్ధాయ వుత్తం, సచే పనేతం దేవాలయచేతియరుక్ఖాదీసు నియుత్తేహి పురిసేహి రక్ఖితగోపితం హోతి, గహేతుం న వట్టతి. థోకే ఖాయితే…పే॰… గహేతుం వట్టతీతి ఇదం అదిన్నాదానాభావం సన్ధాయ వుత్తం. జిఘచ్ఛితపాణినా ఖాదియమానమంసస్స అచ్ఛిన్దిత్వా ఖాదనం నామ కారుఞ్ఞహానితో లోలభావతో చ అసారుప్పమేవ. తేనేవ హి అరియవంసికా అత్తనో పత్తే భత్తం ఖాదన్తమ్పి సునఖాదిం తజ్జేత్వా న వారేన్తి, తిరచ్ఛానానం ఆమిసదానే కుసలం వియ తేసం ఆమిసస్స అచ్ఛిన్దనేపి అకుసలమేవాతి గహేతబ్బం, తేనేవ వక్ఖతి ‘‘పరానుద్దయతాయ చ న గహేతబ్బ’’న్తి (పారా॰ అట్ఠ॰ ౧.౧౪౦).
131.Tasmiṃyevaattabhāve nibbattāti tasmiṃyeva matasarīre petattabhāvena nibbattā. Rukkhādīsu laggitasāṭake vattabbameva natthīti manussehi agopitaṃ sandhāya vuttaṃ, sace panetaṃ devālayacetiyarukkhādīsu niyuttehi purisehi rakkhitagopitaṃ hoti, gahetuṃ na vaṭṭati. Thoke khāyite…pe… gahetuṃ vaṭṭatīti idaṃ adinnādānābhāvaṃ sandhāya vuttaṃ. Jighacchitapāṇinā khādiyamānamaṃsassa acchinditvā khādanaṃ nāma kāruññahānito lolabhāvato ca asāruppameva. Teneva hi ariyavaṃsikā attano patte bhattaṃ khādantampi sunakhādiṃ tajjetvā na vārenti, tiracchānānaṃ āmisadāne kusalaṃ viya tesaṃ āmisassa acchindanepi akusalamevāti gahetabbaṃ, teneva vakkhati ‘‘parānuddayatāya ca na gahetabba’’nti (pārā. aṭṭha. 1.140).
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౨. దుతియపారాజికం • 2. Dutiyapārājikaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౨. దుతియపారాజికం • 2. Dutiyapārājikaṃ
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / అనాపత్తిభేదవణ్ణనా • Anāpattibhedavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / అనాపత్తిభేదవణ్ణనా • Anāpattibhedavaṇṇanā
