| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಅನಾಪತ್ತಿಭೇದಕಥಾವಣ್ಣನಾ
Anāpattibhedakathāvaṇṇanā
೨೨೨. ಅನುಲ್ಲಪನಾಧಿಪ್ಪಾಯಸ್ಸಾತಿ ಅತಿಕ್ಕಮಿತ್ವಾ ಅವತ್ತುಕಾಮಸ್ಸ, ‘‘ಉತ್ತರಿಮನುಸ್ಸಧಮ್ಮೋ ಅಯ’’ನ್ತಿ ಅಸಲ್ಲಕ್ಖೇನ್ತಸ್ಸಾತಿ ಅಧಿಪ್ಪಾಯೋ। ಸರೂಪತೋ ಪನ ‘‘ಅನಾಪತ್ತಿ ಭಿಕ್ಖು ಅನುಲ್ಲಪನಾಧಿಪ್ಪಾಯಸ್ಸಾ’’ತಿ ವಿನೀತವತ್ಥೂಸು ತತ್ಥ ತತ್ಥ ಆಗತವತ್ಥುವಸೇನ ವೇದಿತಬ್ಬೋ। ‘‘ಉತ್ತರಿಮನುಸ್ಸಧಮ್ಮೋ ಅಯ’’ನ್ತಿ ಅಸಲ್ಲಕ್ಖೇತ್ವಾ ವದನ್ತೋಪಿ ವೋಹಾರತೋ ಅಞ್ಞಂ ಬ್ಯಾಕರೋನ್ತೋ ನಾಮ ಹೋತೀತಿ ವುತ್ತಂ ‘‘ಅಞ್ಞಂ ಬ್ಯಾಕರೋನ್ತಸ್ಸಾ’’ತಿ।
222.Anullapanādhippāyassāti atikkamitvā avattukāmassa, ‘‘uttarimanussadhammo aya’’nti asallakkhentassāti adhippāyo. Sarūpato pana ‘‘anāpatti bhikkhu anullapanādhippāyassā’’ti vinītavatthūsu tattha tattha āgatavatthuvasena veditabbo. ‘‘Uttarimanussadhammo aya’’nti asallakkhetvā vadantopi vohārato aññaṃ byākaronto nāma hotīti vuttaṃ ‘‘aññaṃ byākarontassā’’ti.
ಪದಭಾಜನೀಯವಣ್ಣನಾ ನಿಟ್ಠಿತಾ।
Padabhājanīyavaṇṇanā niṭṭhitā.
ಭಾಯನ್ತೋಪೀತಿ ‘‘ಇಮಸ್ಸ ಮಯಿ ನತ್ಥಿಭಾವಂ ಅಞ್ಞೇಪಿ ಜಾನನ್ತಾ ಅತ್ಥಿ ನು ಖೋ’’ತಿ ಭಾಯನ್ತೋಪಿ।
Bhāyantopīti ‘‘imassa mayi natthibhāvaṃ aññepi jānantā atthi nu kho’’ti bhāyantopi.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೪. ಚತುತ್ಥಪಾರಾಜಿಕಂ • 4. Catutthapārājikaṃ
