| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൨. ബലവഗ്ഗോ
2. Balavaggo
൧. അനനുസ്സുതസുത്തവണ്ണനാ
1. Ananussutasuttavaṇṇanā
൧൧. ദുതിയസ്സ പഠമേ അഭിജാനിത്വാതി അഭിവിസിട്ഠേന ഞാണേന ജാനിത്വാ. അട്ഠഹി കാരണേഹി തഥാഗതസ്സാതി ‘‘തഥാ ആഗതോതി തഥാഗതോ. തഥാ ഗതോതി തഥാഗതോ. തഥലക്ഖണം ആഗതോതി തഥാഗതോ. തഥധമ്മേ യാഥാവതോ അഭിസമ്ബുദ്ധോതി തഥാഗതോ. തഥദസ്സിതായ തഥാഗതോ. തഥാവാദിതായ തഥാഗതോ. തഥാകാരിതായ തഥാഗതോ. അഭിഭവനട്ഠേന തഥാഗതോ’’തി ഏവം വുത്തേഹി അട്ഠഹി കാരണേഹി. ഉസഭസ്സ ഇദന്തി ആസഭം, സേട്ഠട്ഠാനം. തേനാഹ ‘‘ആസഭം ഠാനന്തി സേട്ഠട്ഠാന’’ന്തി. പരതോ ദസ്സിതബലയോഗേന ‘‘ദസബലോഹ’’ന്തി അഭീതനാദം നദതി. ബ്രഹ്മചക്കന്തി ഏത്ഥ സേട്ഠപരിയായോ. ബ്രഹ്മസദ്ദോതി ആഹ ‘‘സേട്ഠചക്ക’’ന്തി. ചക്കഞ്ചേതം ധമ്മചക്കം അധിപ്പേതം.
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
അനനുസ്സുതസുത്തവണ്ണനാ നിട്ഠിതാ.
Ananussutasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. അനനുസ്സുതസുത്തം • 1. Ananussutasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. അനനുസ്സുതസുത്തവണ്ണനാ • 1. Ananussutasuttavaṇṇanā
