| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂. ဗလဝဂ္ဂော
2. Balavaggo
၁. အနနုသ္သုတသုတ္တဝဏ္ဏနာ
1. Ananussutasuttavaṇṇanā
၁၁. ဒုတိယသ္သ ပဌမေ အဘိဇာနိတ္ဝာတိ အဘိဝိသိဋ္ဌေန ဉာဏေန ဇာနိတ္ဝာ။ အဋ္ဌဟိ ကာရဏေဟိ တထာဂတသ္သာတိ ‘‘တထာ အာဂတောတိ တထာဂတော။ တထာ ဂတောတိ တထာဂတော။ တထလက္ခဏံ အာဂတောတိ တထာဂတော။ တထဓမ္မေ ယာထာဝတော အဘိသမ္ဗုဒ္ဓောတိ တထာဂတော။ တထဒသ္သိတာယ တထာဂတော။ တထာဝာဒိတာယ တထာဂတော။ တထာကာရိတာယ တထာဂတော။ အဘိဘဝနဋ္ဌေန တထာဂတော’’တိ ဧဝံ ဝုတ္တေဟိ အဋ္ဌဟိ ကာရဏေဟိ။ ဥသဘသ္သ ဣဒန္တိ အာသဘံ, သေဋ္ဌဋ္ဌာနံ။ တေနာဟ ‘‘အာသဘံ ဌာနန္တိ သေဋ္ဌဋ္ဌာန’’န္တိ။ ပရတော ဒသ္သိတဗလယောဂေန ‘‘ဒသဗလောဟ’’န္တိ အဘီတနာဒံ နဒတိ။ ဗ္ရဟ္မစက္ကန္တိ ဧတ္ထ သေဋ္ဌပရိယာယော။ ဗ္ရဟ္မသဒ္ဒောတိ အာဟ ‘‘သေဋ္ဌစက္က’’န္တိ။ စက္ကဉ္စေတံ ဓမ္မစက္ကံ အဓိပ္ပေတံ။
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
အနနုသ္သုတသုတ္တဝဏ္ဏနာ နိဋ္ဌိတာ။
Ananussutasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အနနုသ္သုတသုတ္တံ • 1. Ananussutasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. အနနုသ္သုတသုတ္တဝဏ္ဏနာ • 1. Ananussutasuttavaṇṇanā
