| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២. ពលវគ្គោ
2. Balavaggo
១. អននុស្សុតសុត្តវណ្ណនា
1. Ananussutasuttavaṇṇanā
១១. ទុតិយស្ស បឋមេ អភិជានិត្វាតិ អភិវិសិដ្ឋេន ញាណេន ជានិត្វា។ អដ្ឋហិ ការណេហិ តថាគតស្សាតិ ‘‘តថា អាគតោតិ តថាគតោ។ តថា គតោតិ តថាគតោ។ តថលក្ខណំ អាគតោតិ តថាគតោ។ តថធម្មេ យាថាវតោ អភិសម្ពុទ្ធោតិ តថាគតោ។ តថទស្សិតាយ តថាគតោ។ តថាវាទិតាយ តថាគតោ។ តថាការិតាយ តថាគតោ។ អភិភវនដ្ឋេន តថាគតោ’’តិ ឯវំ វុត្តេហិ អដ្ឋហិ ការណេហិ។ ឧសភស្ស ឥទន្តិ អាសភំ, សេដ្ឋដ្ឋានំ។ តេនាហ ‘‘អាសភំ ឋានន្តិ សេដ្ឋដ្ឋាន’’ន្តិ។ បរតោ ទស្សិតពលយោគេន ‘‘ទសពលោហ’’ន្តិ អភីតនាទំ នទតិ។ ព្រហ្មចក្កន្តិ ឯត្ថ សេដ្ឋបរិយាយោ។ ព្រហ្មសទ្ទោតិ អាហ ‘‘សេដ្ឋចក្ក’’ន្តិ។ ចក្កញ្ចេតំ ធម្មចក្កំ អធិប្បេតំ។
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
អននុស្សុតសុត្តវណ្ណនា និដ្ឋិតា។
Ananussutasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. អននុស្សុតសុត្តំ • 1. Ananussutasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. អននុស្សុតសុត្តវណ្ណនា • 1. Ananussutasuttavaṇṇanā
