| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. พลวโคฺค
2. Balavaggo
๑. อนนุสฺสุตสุตฺตวณฺณนา
1. Ananussutasuttavaṇṇanā
๑๑. ทุติยสฺส ปฐเม อภิชานิตฺวาติ อภิวิสิเฎฺฐน ญาเณน ชานิตฺวาฯ อฎฺฐหิ การเณหิ ตถาคตสฺสาติ ‘‘ตถา อาคโตติ ตถาคโตฯ ตถา คโตติ ตถาคโตฯ ตถลกฺขณํ อาคโตติ ตถาคโตฯ ตถธเมฺม ยาถาวโต อภิสมฺพุโทฺธติ ตถาคโตฯ ตถทสฺสิตาย ตถาคโตฯ ตถาวาทิตาย ตถาคโตฯ ตถาการิตาย ตถาคโตฯ อภิภวนเฎฺฐน ตถาคโต’’ติ เอวํ วุเตฺตหิ อฎฺฐหิ การเณหิฯ อุสภสฺส อิทนฺติ อาสภํ, เสฎฺฐฎฺฐานํฯ เตนาห ‘‘อาสภํ ฐานนฺติ เสฎฺฐฎฺฐาน’’นฺติฯ ปรโต ทสฺสิตพลโยเคน ‘‘ทสพโลห’’นฺติ อภีตนาทํ นทติฯ พฺรหฺมจกฺกนฺติ เอตฺถ เสฎฺฐปริยาโยฯ พฺรหฺมสโทฺทติ อาห ‘‘เสฎฺฐจกฺก’’นฺติฯ จกฺกเญฺจตํ ธมฺมจกฺกํ อธิเปฺปตํฯ
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
อนนุสฺสุตสุตฺตวณฺณนา นิฎฺฐิตาฯ
Ananussutasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. อนนุสฺสุตสุตฺตํ • 1. Ananussutasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. อนนุสฺสุตสุตฺตวณฺณนา • 1. Ananussutasuttavaṇṇanā
