| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၃. အနန္တရပစ္စယကထာဝဏ္ဏနာ
3. Anantarapaccayakathāvaṇṇanā
၆၉၃-၆၉၇. အနန္တရုပ္ပတ္တိံ သလ္လက္ခေန္တောတိ စက္ခုဝိညာဏာနန္တရံ သောတဝိညာဏုပ္ပတ္တိံ မညမာနော။ သောတဝိညာဏန္တိ ဝစနေနေဝ တသ္သ စက္ခုသန္နိသ္သယတာ ရူပာရမ္မဏတာ စ ပဋိက္ခိတ္တာ, ပဋိညာတာ စ သောတသန္နိသ္သယတာ သဒ္ဒာရမ္မဏတာ စာတိ အာဟ ‘‘န သော စက္ခုမ္ဟိ သဒ္ဒာရမ္မဏ’’န္တိ။ တတ္ထ သဒ္ဒာရမ္မဏန္တိ ‘‘သောတဝိညာဏံ ဣစ္ဆတီ’’တိ အာနေတ္ဝာ သမ္ဗန္ဓိတဗ္ဗံ။ တယိဒံ စက္ခုဝိညာဏသ္သ အနန္တရံ သောတဝိညာဏံ ဥပ္ပဇ္ဇတီတိ လဒ္ဓိယာ ဧဝံ ဉာယတီတိ အာဟ ‘‘အနန္တရူပလဒ္ဓိဝသေန အာပန္နတ္တာ’’တိ။
693-697. Anantaruppattiṃ sallakkhentoti cakkhuviññāṇānantaraṃ sotaviññāṇuppattiṃ maññamāno. Sotaviññāṇanti vacaneneva tassa cakkhusannissayatā rūpārammaṇatā ca paṭikkhittā, paṭiññātā ca sotasannissayatā saddārammaṇatā cāti āha ‘‘na so cakkhumhi saddārammaṇa’’nti. Tattha saddārammaṇanti ‘‘sotaviññāṇaṃ icchatī’’ti ānetvā sambandhitabbaṃ. Tayidaṃ cakkhuviññāṇassa anantaraṃ sotaviññāṇaṃ uppajjatīti laddhiyā evaṃ ñāyatīti āha ‘‘anantarūpaladdhivasena āpannattā’’ti.
အနန္တရပစ္စယကထာဝဏ္ဏနာ နိဋ္ဌိတာ။
Anantarapaccayakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၃၈) ၃. အနန္တရပစ္စယကထာ • (138) 3. Anantarapaccayakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၃. အနန္တရပစ္စယကထာဝဏ္ဏနာ • 3. Anantarapaccayakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. အနန္တရပစ္စယကထာဝဏ္ဏနာ • 3. Anantarapaccayakathāvaṇṇanā
