| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
៣. អនន្តរបច្ចយកថាវណ្ណនា
3. Anantarapaccayakathāvaṇṇanā
៦៩៣-៦៩៧. អនន្តរុប្បត្តិំ សល្លក្ខេន្តោតិ ចក្ខុវិញ្ញាណានន្តរំ សោតវិញ្ញាណុប្បត្តិំ មញ្ញមានោ។ សោតវិញ្ញាណន្តិ វចនេនេវ តស្ស ចក្ខុសន្និស្សយតា រូបារម្មណតា ច បដិក្ខិត្តា, បដិញ្ញាតា ច សោតសន្និស្សយតា សទ្ទារម្មណតា ចាតិ អាហ ‘‘ន សោ ចក្ខុម្ហិ សទ្ទារម្មណ’’ន្តិ។ តត្ថ សទ្ទារម្មណន្តិ ‘‘សោតវិញ្ញាណំ ឥច្ឆតី’’តិ អានេត្វា សម្ពន្ធិតព្ពំ។ តយិទំ ចក្ខុវិញ្ញាណស្ស អនន្តរំ សោតវិញ្ញាណំ ឧប្បជ្ជតីតិ លទ្ធិយា ឯវំ ញាយតីតិ អាហ ‘‘អនន្តរូបលទ្ធិវសេន អាបន្នត្តា’’តិ។
693-697. Anantaruppattiṃ sallakkhentoti cakkhuviññāṇānantaraṃ sotaviññāṇuppattiṃ maññamāno. Sotaviññāṇanti vacaneneva tassa cakkhusannissayatā rūpārammaṇatā ca paṭikkhittā, paṭiññātā ca sotasannissayatā saddārammaṇatā cāti āha ‘‘na so cakkhumhi saddārammaṇa’’nti. Tattha saddārammaṇanti ‘‘sotaviññāṇaṃ icchatī’’ti ānetvā sambandhitabbaṃ. Tayidaṃ cakkhuviññāṇassa anantaraṃ sotaviññāṇaṃ uppajjatīti laddhiyā evaṃ ñāyatīti āha ‘‘anantarūpaladdhivasena āpannattā’’ti.
អនន្តរបច្ចយកថាវណ្ណនា និដ្ឋិតា។
Anantarapaccayakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៣៨) ៣. អនន្តរបច្ចយកថា • (138) 3. Anantarapaccayakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៣. អនន្តរបច្ចយកថាវណ្ណនា • 3. Anantarapaccayakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៣. អនន្តរបច្ចយកថាវណ្ណនា • 3. Anantarapaccayakathāvaṇṇanā
