| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. আনন্দঅচ্ছরিযসুত্তং
9. Ānandaacchariyasuttaṃ
১২৯. ‘‘চত্তারোমে, ভিক্খৰে, অচ্ছরিযা অব্ভুতা ধম্মা আনন্দে। কতমে চত্তারো? সচে, ভিক্খৰে, ভিক্খুপরিসা আনন্দং দস্সনায উপসঙ্কমতি, দস্সনেনপি সা অত্তমনা হোতি। তত্র চে আনন্দো ধম্মং ভাসতি, ভাসিতেনপি সা অত্তমনা হোতি। অতিত্তাৰ, ভিক্খৰে, ভিক্খুপরিসা হোতি, অথ আনন্দো তুণ্হী ভৰতি।
129. ‘‘Cattārome, bhikkhave, acchariyā abbhutā dhammā ānande. Katame cattāro? Sace, bhikkhave, bhikkhuparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuparisā hoti, atha ānando tuṇhī bhavati.
‘‘সচে, ভিক্খৰে, ভিক্খুনিপরিসা আনন্দং দস্সনায উপসঙ্কমতি, দস্সনেনপি সা অত্তমনা হোতি। তত্থ চে আনন্দো ধম্মং ভাসতি, ভাসিতেনপি সা অত্তমনা হোতি। অতিত্তাৰ, ভিক্খৰে, ভিক্খুনিপরিসা হোতি, অথ আনন্দো তুণ্হী ভৰতি।
‘‘Sace, bhikkhave, bhikkhuniparisā ānandaṃ dassanāya upasaṅkamati, dassanenapi sā attamanā hoti. Tattha ce ānando dhammaṃ bhāsati, bhāsitenapi sā attamanā hoti. Atittāva, bhikkhave, bhikkhuniparisā hoti, atha ānando tuṇhī bhavati.
‘‘সচে, ভিক্খৰে, উপাসকপরিসা আনন্দং দস্সনায উপসঙ্কমতি, দস্সনেনপি সা অত্তমনা হোতি। তত্র চে আনন্দো ধম্মং ভাসতি, ভাসিতেনপি সা অত্তমনা হোতি। অতিত্তাৰ, ভিক্খৰে, উপাসকপরিসা হোতি, অথ আনন্দো তুণ্হী ভৰতি।
‘‘Sace, bhikkhave, upāsakaparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsakaparisā hoti, atha ānando tuṇhī bhavati.
‘‘সচে, ভিক্খৰে, উপাসিকাপরিসা আনন্দং দস্সনায উপসঙ্কমতি, দস্সনেনপি সা অত্তমনা হোতি। তত্র চে আনন্দো ধম্মং ভাসতি, ভাসিতেনপি সা অত্তমনা হোতি। অতিত্তাৰ, ভিক্খৰে, উপাসিকাপরিসা হোতি, অথ আনন্দো তুণ্হী ভৰতি। ইমে খো, ভিক্খৰে, চত্তারো অচ্ছরিযা অব্ভুতা ধম্মা আনন্দে’’তি। নৰমং।
‘‘Sace, bhikkhave, upāsikāparisā ānandaṃ dassanāya upasaṅkamati, dassanenapi sā attamanā hoti. Tatra ce ānando dhammaṃ bhāsati, bhāsitenapi sā attamanā hoti. Atittāva, bhikkhave, upāsikāparisā hoti, atha ānando tuṇhī bhavati. Ime kho, bhikkhave, cattāro acchariyā abbhutā dhammā ānande’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. আনন্দঅচ্ছরিযসুত্তৰণ্ণনা • 9. Ānandaacchariyasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯-১০. আনন্দঅচ্ছরিযসুত্তাদিৰণ্ণনা • 9-10. Ānandaacchariyasuttādivaṇṇanā
