| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೭. ದೇವತಾವಗ್ಗೋ
7. Devatāvaggo
೧. ಅನಾಗಾಮಿಫಲಸುತ್ತಂ
1. Anāgāmiphalasuttaṃ
೬೫. ‘‘ಛ , ಭಿಕ್ಖವೇ, ಧಮ್ಮೇ ಅಪ್ಪಹಾಯ ಅಭಬ್ಬೋ ಅನಾಗಾಮಿಫಲಂ ಸಚ್ಛಿಕಾತುಂ। ಕತಮೇ ಛ? ಅಸ್ಸದ್ಧಿಯಂ, ಅಹಿರಿಕಂ, ಅನೋತ್ತಪ್ಪಂ, ಕೋಸಜ್ಜಂ, ಮುಟ್ಠಸ್ಸಚ್ಚಂ, ದುಪ್ಪಞ್ಞತಂ – ಇಮೇ ಖೋ, ಭಿಕ್ಖವೇ, ಛ ಧಮ್ಮೇ ಅಪ್ಪಹಾಯ ಅಭಬ್ಬೋ ಅನಾಗಾಮಿಫಲಂ ಸಚ್ಛಿಕಾತುಂ।
65. ‘‘Cha , bhikkhave, dhamme appahāya abhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme appahāya abhabbo anāgāmiphalaṃ sacchikātuṃ.
‘‘ಛ, ಭಿಕ್ಖವೇ, ಧಮ್ಮೇ ಪಹಾಯ ಭಬ್ಬೋ ಅನಾಗಾಮಿಫಲಂ ಸಚ್ಛಿಕಾತುಂ। ಕತಮೇ ಛ? ಅಸ್ಸದ್ಧಿಯಂ, ಅಹಿರಿಕಂ, ಅನೋತ್ತಪ್ಪಂ, ಕೋಸಜ್ಜಂ, ಮುಟ್ಠಸ್ಸಚ್ಚಂ, ದುಪ್ಪಞ್ಞತಂ – ಇಮೇ ಖೋ, ಭಿಕ್ಖವೇ, ಛ ಧಮ್ಮೇ ಪಹಾಯ ಭಬ್ಬೋ ಅನಾಗಾಮಿಫಲಂ ಸಚ್ಛಿಕಾತು’’ನ್ತಿ। ಪಠಮಂ।
‘‘Cha, bhikkhave, dhamme pahāya bhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme pahāya bhabbo anāgāmiphalaṃ sacchikātu’’nti. Paṭhamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧-೩. ಅನಾಗಾಮಿಫಲಸುತ್ತಾದಿವಣ್ಣನಾ • 1-3. Anāgāmiphalasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೩. ಅನಾಗಾಮಿಫಲಸುತ್ತಾದಿವಣ್ಣನಾ • 1-3. Anāgāmiphalasuttādivaṇṇanā
