| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. দেৰতাৰগ্গো
7. Devatāvaggo
১. অনাগামিফলসুত্তং
1. Anāgāmiphalasuttaṃ
৬৫. ‘‘ছ , ভিক্খৰে, ধম্মে অপ্পহায অভব্বো অনাগামিফলং সচ্ছিকাতুং। কতমে ছ? অস্সদ্ধিযং, অহিরিকং, অনোত্তপ্পং, কোসজ্জং, মুট্ঠস্সচ্চং, দুপ্পঞ্ঞতং – ইমে খো, ভিক্খৰে, ছ ধম্মে অপ্পহায অভব্বো অনাগামিফলং সচ্ছিকাতুং।
65. ‘‘Cha , bhikkhave, dhamme appahāya abhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme appahāya abhabbo anāgāmiphalaṃ sacchikātuṃ.
‘‘ছ, ভিক্খৰে, ধম্মে পহায ভব্বো অনাগামিফলং সচ্ছিকাতুং। কতমে ছ? অস্সদ্ধিযং, অহিরিকং, অনোত্তপ্পং, কোসজ্জং, মুট্ঠস্সচ্চং, দুপ্পঞ্ঞতং – ইমে খো, ভিক্খৰে, ছ ধম্মে পহায ভব্বো অনাগামিফলং সচ্ছিকাতু’’ন্তি। পঠমং।
‘‘Cha, bhikkhave, dhamme pahāya bhabbo anāgāmiphalaṃ sacchikātuṃ. Katame cha? Assaddhiyaṃ, ahirikaṃ, anottappaṃ, kosajjaṃ, muṭṭhassaccaṃ, duppaññataṃ – ime kho, bhikkhave, cha dhamme pahāya bhabbo anāgāmiphalaṃ sacchikātu’’nti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১-৩. অনাগামিফলসুত্তাদিৰণ্ণনা • 1-3. Anāgāmiphalasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৩. অনাগামিফলসুত্তাদিৰণ্ণনা • 1-3. Anāgāmiphalasuttādivaṇṇanā
