| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၄. အနာဒရိယသိက္ခာပဒဝဏ္ဏနာ
4. Anādariyasikkhāpadavaṇṇanā
တသ္သ ဝစနန္တိ ‘‘အယံ ဥက္ခိတ္တကော ဝာ ဝမ္ဘိတော ဝာ ဂရဟိတော ဝာ ဣမသ္သ ဝစနံ အကတံ ဘဝိသ္သတီ’’တိ အနာဒရိယံ ကရောတိ။ ဓမ္မန္တိ ကထာယံ ဓမ္မော နသ္သေယ္ယ ဝာ ဝိနသ္သေယ္ယ ဝာ အန္တရဓာယေယ္ယ ဝာ, တံ ဝာ အသိက္ခိတုကာမော အနာဒရိယံ ကရောတိ။ ‘‘လောကဝဇ္ဇံ အတိက္ကမိတ္ဝာ ‘ဣဒံ အမ္ဟာကံ အာစရိယုဂ္ဂဟော’တိ ဝဒန္တသ္သ န ဝဋ္ဋတီ’’တိ (ဝဇိရ. ဋီ. ပာစိတ္တိယ ၃၄၄) လိခိတံ။
Tassavacananti ‘‘ayaṃ ukkhittako vā vambhito vā garahito vā imassa vacanaṃ akataṃ bhavissatī’’ti anādariyaṃ karoti. Dhammanti kathāyaṃ dhammo nasseyya vā vinasseyya vā antaradhāyeyya vā, taṃ vā asikkhitukāmo anādariyaṃ karoti. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti (vajira. ṭī. pācittiya 344) likhitaṃ.
အနာဒရိယသိက္ခာပဒဝဏ္ဏနာ နိဋ္ဌိတာ။
Anādariyasikkhāpadavaṇṇanā niṭṭhitā.
