| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૪. અનાદરિયસિક્ખાપદવણ્ણના
4. Anādariyasikkhāpadavaṇṇanā
તસ્સ વચનન્તિ ‘‘અયં ઉક્ખિત્તકો વા વમ્ભિતો વા ગરહિતો વા ઇમસ્સ વચનં અકતં ભવિસ્સતી’’તિ અનાદરિયં કરોતિ. ધમ્મન્તિ કથાયં ધમ્મો નસ્સેય્ય વા વિનસ્સેય્ય વા અન્તરધાયેય્ય વા, તં વા અસિક્ખિતુકામો અનાદરિયં કરોતિ. ‘‘લોકવજ્જં અતિક્કમિત્વા ‘ઇદં અમ્હાકં આચરિયુગ્ગહો’તિ વદન્તસ્સ ન વટ્ટતી’’તિ (વજિર॰ ટી॰ પાચિત્તિય ૩૪૪) લિખિતં.
Tassavacananti ‘‘ayaṃ ukkhittako vā vambhito vā garahito vā imassa vacanaṃ akataṃ bhavissatī’’ti anādariyaṃ karoti. Dhammanti kathāyaṃ dhammo nasseyya vā vinasseyya vā antaradhāyeyya vā, taṃ vā asikkhitukāmo anādariyaṃ karoti. ‘‘Lokavajjaṃ atikkamitvā ‘idaṃ amhākaṃ ācariyuggaho’ti vadantassa na vaṭṭatī’’ti (vajira. ṭī. pācittiya 344) likhitaṃ.
અનાદરિયસિક્ખાપદવણ્ણના નિટ્ઠિતા.
Anādariyasikkhāpadavaṇṇanā niṭṭhitā.
