| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๕. อมฺพวิมานวตฺถุ
5. Ambavimānavatthu
๑๑๔๖.
1146.
‘‘อุจฺจมิทํ มณิถูณํ วิมานํ, สมนฺตโต ทฺวาทส โยชนานิ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
กูฎาคารา สตฺตสตา อุฬารา, เวฬุริยถมฺภา รุจกตฺถตา สุภาฯ
Kūṭāgārā sattasatā uḷārā, veḷuriyathambhā rucakatthatā subhā.
๑๑๔๗.
1147.
‘‘ตตฺถจฺฉสิ ปิวสิ ขาทสิ จ, ทิพฺพา จ วีณา ปวทนฺติ วคฺคุํ;
‘‘Tatthacchasi pivasi khādasi ca, dibbā ca vīṇā pavadanti vagguṃ;
ทิพฺพา รสา กามคุเณตฺถ ปญฺจ, นาริโย จ นจฺจนฺติ สุวณฺณฉนฺนาฯ
Dibbā rasā kāmaguṇettha pañca, nāriyo ca naccanti suvaṇṇachannā.
๑๑๔๘.
1148.
‘‘เกน เตตาทิโส วโณฺณ…เป.… วโณฺณ จ เต สพฺพทิสา ปภาสตี’’ติฯ
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
๑๑๕๐.
1150.
โส เทวปุโตฺต อตฺตมโน…เป.… ยสฺส กมฺมสฺสิทํ ผลํฯ
So devaputto attamano…pe… yassa kammassidaṃ phalaṃ.
๑๑๕๑.
1151.
ปเรสํ ภตโก โปโส, อมฺพารามมสิญฺจติฯ
Paresaṃ bhatako poso, ambārāmamasiñcati.
๑๑๕๒.
1152.
‘‘อถ เตนาคมา ภิกฺขุ, สาริปุโตฺตติ วิสฺสุโต;
‘‘Atha tenāgamā bhikkhu, sāriputtoti vissuto;
กิลนฺตรูโป กาเยน, อกิลโนฺตว เจตสาฯ
Kilantarūpo kāyena, akilantova cetasā.
๑๑๕๓.
1153.
‘‘ตญฺจ ทิสฺวาน อายนฺตํ, อโวจํ อมฺพสิญฺจโก;
‘‘Tañca disvāna āyantaṃ, avocaṃ ambasiñcako;
๑๑๕๔.
1154.
‘‘ตสฺส เม อนุกมฺปาย, นิกฺขิปิ ปตฺตจีวรํ;
‘‘Tassa me anukampāya, nikkhipi pattacīvaraṃ;
นิสีทิ รุกฺขมูลสฺมิํ, ฉายาย เอกจีวโรฯ
Nisīdi rukkhamūlasmiṃ, chāyāya ekacīvaro.
๑๑๕๕.
1155.
‘‘ตญฺจ อเจฺฉน วารินา, ปสนฺนมานโส นโร;
‘‘Tañca acchena vārinā, pasannamānaso naro;
นฺหาปยี รุกฺขมูลสฺมิํ, ฉายาย เอกจีวรํฯ
Nhāpayī rukkhamūlasmiṃ, chāyāya ekacīvaraṃ.
๑๑๕๖.
1156.
‘‘อโมฺพ จ สิโตฺต สมโณ จ นฺหาปิโต, มยา จ ปุญฺญํ ปสุตํ อนปฺปกํ;
‘‘Ambo ca sitto samaṇo ca nhāpito, mayā ca puññaṃ pasutaṃ anappakaṃ;
อิติ โส ปีติยา กายํ, สพฺพํ ผรติ อตฺตโนฯ
Iti so pītiyā kāyaṃ, sabbaṃ pharati attano.
๑๑๕๗.
1157.
‘‘ตเทว เอตฺตกํ กมฺมํ, อกาสิํ ตาย ชาติยา;
‘‘Tadeva ettakaṃ kammaṃ, akāsiṃ tāya jātiyā;
ปหาย มานุสํ เทหํ, อุปปโนฺนมฺหิ นนฺทนํฯ
Pahāya mānusaṃ dehaṃ, upapannomhi nandanaṃ.
๑๑๕๘.
1158.
‘‘นนฺทเน จ วเน รเมฺม, นานาทิชคณายุเต;
‘‘Nandane ca vane ramme, nānādijagaṇāyute;
รมามิ นจฺจคีเตหิ, อจฺฉราหิ ปุรกฺขโต’’ติฯ
Ramāmi naccagītehi, accharāhi purakkhato’’ti.
อมฺพวิมานํ ปญฺจมํฯ
Ambavimānaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๕. อมฺพวิมานวณฺณนา • 5. Ambavimānavaṇṇanā
