| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. амб̣ад̣̇ааяагад̇т̇зраабад̣̇аанаван̣н̣анаа
8. Ambadāyakattheraapadānavaṇṇanā
аномад̣̇ассий бхаг̇аваад̇иаад̣̇игам̣ ааяасмад̇о амб̣ад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о аномад̣̇ассисса бхаг̇авад̇о гаалз ваанараяонияам̣ ниб̣б̣ад̇д̇о химаванд̇з габирааж̇аа худ̇ваа бадивасад̇и. д̇асмим̣ самаяз аномад̣̇ассий бхаг̇аваа д̇ассаанугамбааяа химаванд̇амаг̇амааси. ат̇а со габирааж̇аа бхаг̇аванд̇ам̣ д̣̇исваа басаннамаанасо сумад̇хурам̣ амб̣апалам̣ куд̣̇д̣̇амад̇хунаа ад̣̇ааси. ат̇а бхаг̇аваа д̇асса бассанд̇ассзва д̇ам̣ саб̣б̣ам̣ барибхун̃ж̇ид̇ваа анумод̣̇анам̣ вад̇ваа баггаами. ат̇а со соманассасамбаннахад̣̇аяо д̇знзва бийд̇исоманассзна яаавад̇ааяугам̣ тад̇ваа д̇ад̇о жуд̇о д̣̇звалогз ниб̣б̣ад̇д̇о абараабарам̣ д̇ад̇т̇а д̣̇иб̣б̣асукаманубхавид̇ваа мануссзсу жа мануссасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулаг̇зхз ниб̣б̣ад̇д̇о сад̇т̇ари басийд̣̇ид̇ваа баб̣б̣аж̇ид̇ваа нажирассзва чал̣абхин̃н̃аббад̇д̇о ахоси. буб̣б̣абун̃н̃анаамзна амб̣ад̣̇ааяагад̇т̇зрод̇и баагадо.
Anomadassī bhagavātiādikaṃ āyasmato ambadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle vānarayoniyaṃ nibbatto himavante kapirājā hutvā paṭivasati. Tasmiṃ samaye anomadassī bhagavā tassānukampāya himavantamagamāsi. Atha so kapirājā bhagavantaṃ disvā pasannamānaso sumadhuraṃ ambaphalaṃ khuddamadhunā adāsi. Atha bhagavā tassa passantasseva taṃ sabbaṃ paribhuñjitvā anumodanaṃ vatvā pakkāmi. Atha so somanassasampannahadayo teneva pītisomanassena yāvatāyukaṃ ṭhatvā tato cuto devaloke nibbatto aparāparaṃ tattha dibbasukhamanubhavitvā manussesu ca manussasampattiṃ anubhavitvā imasmiṃ buddhuppāde vibhavasampanne ekasmiṃ kulagehe nibbatto satthari pasīditvā pabbajitvā nacirasseva chaḷabhiññappatto ahosi. Pubbapuññanāmena ambadāyakattheroti pākaṭo.
53. со абарабхааг̇з ад̇д̇анаа гад̇агусалаб̣ийж̇ам̣ д̣̇исваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о аномад̣̇ассий бхаг̇аваад̇иаад̣̇имааха. мзд̇д̇ааяа апари логз, аббамаан̣з нируубад̇хийд̇и со бхаг̇аваа саб̣б̣алогз аббамаан̣з сад̇д̇з ‘‘сукий хонд̇уу’’д̇иаад̣̇инаа нирубад̇хи убад̇хивирахид̇ам̣ гад̇ваа мзд̇д̇ааяа мзд̇д̇ажид̇д̇зна апари бад̇т̇ари вад̣дхзсийд̇и ад̇т̇о.
53. So aparabhāge attanā katakusalabījaṃ disvā somanassajāto attano pubbacaritāpadānaṃ pakāsento anomadassī bhagavātiādimāha. Mettāya aphari loke, appamāṇe nirūpadhīti so bhagavā sabbaloke appamāṇe satte ‘‘sukhī hontū’’tiādinā nirupadhi upadhivirahitaṃ katvā mettāya mettacittena aphari patthari vaḍḍhesīti attho.
54. габи ахам̣ д̇ад̣̇аа аасинд̇и д̇ад̣̇аа д̇ассааг̇аманагаалз габирааж̇аа ахосинд̇и ад̇т̇о.
54.Kapi ahaṃ tadā āsinti tadā tassāgamanakāle kapirājā ahosinti attho.
амб̣ад̣̇ааяагад̇т̇зраабад̣̇аанаван̣н̣анаа самад̇д̇аа.
Ambadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. амб̣ад̣̇ааяагад̇т̇зраабад̣̇аанам̣ • 8. Ambadāyakattheraapadānaṃ
