| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൨൦. അമതവഗ്ഗവണ്ണനാ
20. Amatavaggavaṇṇanā
൬൦൦-൬൧൧. നത്ഥി ഏത്ഥ മതം മരണം വിനാസോതി അമതം, നിബ്ബാനന്തി ആഹ – ‘‘മരണവിരഹിതം നിബ്ബാനം പരിഭുഞ്ജന്തീ’’തി. അമതസ്സ വാ നിബ്ബാനസ്സ അധിഗമഹേതുതായ അമതസദിസഅതപ്പകസുഖപതിതതായ ച കായഗതാസതി ‘‘അമത’’ന്തി വുത്താ. പരിഭുഞ്ജന്തീതി ഝാനസമാപജ്ജനേന വളഞ്ജന്തി. വിരദ്ധന്തി അനധിഗമേന വിരജ്ഝിതം. തേനാഹ – ‘‘വിരാധിതം നാധിഗത’’ന്തി. ആരദ്ധന്തി സാധിതം നിപ്ഫാദിതം. തഞ്ച പരിപുണ്ണം നാമ ഹോതീതി ആഹ – ‘‘ആരദ്ധന്തി പരിപുണ്ണ’’ന്തി. പമാദിംസൂതി കാലബ്യത്തയേനേദം വുത്തന്തി ആഹ – ‘‘പമജ്ജന്തീ’’തി.
600-611. Natthi ettha mataṃ maraṇaṃ vināsoti amataṃ, nibbānanti āha – ‘‘maraṇavirahitaṃ nibbānaṃ paribhuñjantī’’ti. Amatassa vā nibbānassa adhigamahetutāya amatasadisaatappakasukhapatitatāya ca kāyagatāsati ‘‘amata’’nti vuttā. Paribhuñjantīti jhānasamāpajjanena vaḷañjanti. Viraddhanti anadhigamena virajjhitaṃ. Tenāha – ‘‘virādhitaṃ nādhigata’’nti. Āraddhanti sādhitaṃ nipphāditaṃ. Tañca paripuṇṇaṃ nāma hotīti āha – ‘‘āraddhanti paripuṇṇa’’nti. Pamādiṃsūti kālabyattayenedaṃ vuttanti āha – ‘‘pamajjantī’’ti.
അമതവഗ്ഗവണ്ണനാ നിട്ഠിതാ.
Amatavaggavaṇṇanā niṭṭhitā.
ഇതി മനോരഥപൂരണിയാ അങ്ഗുത്തരനികായ-അട്ഠകഥായ
Iti manorathapūraṇiyā aṅguttaranikāya-aṭṭhakathāya
ഏകകനിപാതവണ്ണനായ അനുത്താനത്ഥദീപനാ സമത്താ.
Ekakanipātavaṇṇanāya anuttānatthadīpanā samattā.
പഠമോ ഭാഗോ നിട്ഠിതോ.
Paṭhamo bhāgo niṭṭhito.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨൦. അമതവഗ്ഗോ • 20. Amatavaggo
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൨൦. അമതവഗ്ഗവണ്ണനാ • 20. Amatavaggavaṇṇanā
