| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨੦. ਅਮਤવਗ੍ਗવਣ੍ਣਨਾ
20. Amatavaggavaṇṇanā
੬੦੦-੬੧੧. ਅਮਤਂ ਤੇ, ਭਿਕ੍ਖવੇ, ਨ ਪਰਿਭੁਞ੍ਜਨ੍ਤੀਤਿ ਮਰਣવਿਰਹਿਤਂ ਨਿਬ੍ਬਾਨਂ ਨ ਪਰਿਭੁਞ੍ਜਨ੍ਤੀਤਿ ਅਤ੍ਥੋ। ਨਨੁ ਚ ਨਿਬ੍ਬਾਨਂ ਲੋਕੁਤ੍ਤਰਂ, ਕਾਯਗਤਾਸਤਿ ਲੋਕਿਯਾ, ਕਥਂ ਤਂ ਪਰਿਭੁਞ੍ਜਨ੍ਤਾ ਅਮਤਂ ਪਰਿਭੁਞ੍ਜਨ੍ਤੀਤਿ? ਤਂ ਭਾવੇਤ੍વਾ ਅਧਿਗਨ੍ਤਬ੍ਬਤੋ। ਕਾਯਗਤਞ੍ਹਿ ਸਤਿਂ ਭਾવੇਨ੍ਤੋ ਅਮਤਮਧਿਗਚ੍ਛਤਿ, ਅਭਾવੇਨ੍ਤੋ ਨਾਧਿਗਚ੍ਛਤਿ। ਤਸ੍ਮਾ ਏવਂ વੁਤ੍ਤਂ। ਏਤੇਨੁਪਾਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ। ਅਪਿ ਚੇਤ੍ਥ વਿਰਦ੍ਧਨ੍ਤਿ વਿਰਾਧਿਤਂ ਨਾਧਿਗਤਂ। ਆਰਦ੍ਧਨ੍ਤਿ ਪਰਿਪੁਣ੍ਣਂ। ਪਮਾਦਿਂਸੂਤਿ ਪਮਜ੍ਜਨ੍ਤਿ। ਪਮੁਟ੍ਠਨ੍ਤਿ ਸਮ੍ਮੁਟ੍ਠਂ વਿਸ੍ਸਰਿਤਂ ਨਟ੍ਠਂ વਾ। ਆਸੇવਿਤਨ੍ਤਿ ਆਦਿਤੋ ਸੇવਿਤਂ। ਭਾવਿਤਨ੍ਤਿ વਡ੍ਢਿਤਂ। ਬਹੁਲੀਕਤਨ੍ਤਿ ਪੁਨਪ੍ਪੁਨਂ ਕਤਂ। ਅਨਭਿਞ੍ਞਾਤਨ੍ਤਿ ਞਾਤਅਭਿਞ੍ਞਾਯ ਅਜਾਨਿਤਂ। ਅਪਰਿਞ੍ਞਾਤਨ੍ਤਿ ਞਾਤਪਰਿਞ੍ਞਾવਸੇਨੇવ ਅਪਰਿਞ੍ਞਾਤਂ। ਅਸਚ੍ਛਿਕਤਨ੍ਤਿ ਅਪਚ੍ਚਕ੍ਖਕਤਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
ਅਮਤવਗ੍ਗવਣ੍ਣਨਾ।
Amatavaggavaṇṇanā.
ਮਨੋਰਥਪੂਰਣਿਯਾ ਅਙ੍ਗੁਤ੍ਤਰਨਿਕਾਯ-ਅਟ੍ਠਕਥਾਯ ਸਹਸ੍ਸਸੁਤ੍ਤਨ੍ਤਪਰਿਮਾਣਸ੍ਸ
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
ਏਕਕਨਿਪਾਤਸ੍ਸ ਸਂવਣ੍ਣਨਾ ਨਿਟ੍ਠਿਤਾ।
Ekakanipātassa saṃvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨੦. ਅਮਤવਗ੍ਗੋ • 20. Amatavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨੦. ਅਮਤવਗ੍ਗવਣ੍ਣਨਾ • 20. Amatavaggavaṇṇanā
