| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂၀. အမတဝဂ္ဂဝဏ္ဏနာ
20. Amatavaggavaṇṇanā
၆၀၀-၆၁၁. နတ္ထိ ဧတ္ထ မတံ မရဏံ ဝိနာသောတိ အမတံ, နိဗ္ဗာနန္တိ အာဟ – ‘‘မရဏဝိရဟိတံ နိဗ္ဗာနံ ပရိဘုဉ္ဇန္တီ’’တိ။ အမတသ္သ ဝာ နိဗ္ဗာနသ္သ အဓိဂမဟေတုတာယ အမတသဒိသအတပ္ပကသုခပတိတတာယ စ ကာယဂတာသတိ ‘‘အမတ’’န္တိ ဝုတ္တာ။ ပရိဘုဉ္ဇန္တီတိ ဈာနသမာပဇ္ဇနေန ဝဠဉ္ဇန္တိ။ ဝိရဒ္ဓန္တိ အနဓိဂမေန ဝိရဇ္ဈိတံ။ တေနာဟ – ‘‘ဝိရာဓိတံ နာဓိဂတ’’န္တိ။ အာရဒ္ဓန္တိ သာဓိတံ နိပ္ဖာဒိတံ။ တဉ္စ ပရိပုဏ္ဏံ နာမ ဟောတီတိ အာဟ – ‘‘အာရဒ္ဓန္တိ ပရိပုဏ္ဏ’’န္တိ။ ပမာဒိံသူတိ ကာလဗ္ယတ္တယေနေဒံ ဝုတ္တန္တိ အာဟ – ‘‘ပမဇ္ဇန္တီ’’တိ။
600-611. Natthi ettha mataṃ maraṇaṃ vināsoti amataṃ, nibbānanti āha – ‘‘maraṇavirahitaṃ nibbānaṃ paribhuñjantī’’ti. Amatassa vā nibbānassa adhigamahetutāya amatasadisaatappakasukhapatitatāya ca kāyagatāsati ‘‘amata’’nti vuttā. Paribhuñjantīti jhānasamāpajjanena vaḷañjanti. Viraddhanti anadhigamena virajjhitaṃ. Tenāha – ‘‘virādhitaṃ nādhigata’’nti. Āraddhanti sādhitaṃ nipphāditaṃ. Tañca paripuṇṇaṃ nāma hotīti āha – ‘‘āraddhanti paripuṇṇa’’nti. Pamādiṃsūti kālabyattayenedaṃ vuttanti āha – ‘‘pamajjantī’’ti.
အမတဝဂ္ဂဝဏ္ဏနာ နိဋ္ဌိတာ။
Amatavaggavaṇṇanā niṭṭhitā.
ဣတိ မနောရထပူရဏိယာ အင္ဂုတ္တရနိကာယ-အဋ္ဌကထာယ
Iti manorathapūraṇiyā aṅguttaranikāya-aṭṭhakathāya
ဧကကနိပာတဝဏ္ဏနာယ အနုတ္တာနတ္ထဒီပနာ သမတ္တာ။
Ekakanipātavaṇṇanāya anuttānatthadīpanā samattā.
ပဌမော ဘာဂော နိဋ္ဌိတော။
Paṭhamo bhāgo niṭṭhito.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂၀. အမတဝဂ္ဂော • 20. Amatavaggo
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂၀. အမတဝဂ္ဂဝဏ္ဏနာ • 20. Amatavaggavaṇṇanā
