| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၂. အမတာရမ္မဏကထာဝဏ္ဏနာ
2. Amatārammaṇakathāvaṇṇanā
၅၄၉. ဣဒာနိ အမတာရမ္မဏကထာ နာမ ဟောတိ။ တတ္ထ ယေသံ ‘‘နိဗ္ဗာနံ မညတီ’’တိအာဒီနံ အယောနိသော အတ္ထံ ဂဟေတ္ဝာ အမတာရမ္မဏံ သံယောဇနံ ဟောတီတိ လဒ္ဓိ, သေယ္ယထာပိ ပုဗ္ဗသေလိယာနံ, တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ သစေ အမတာရမ္မဏံ သံယောဇနံ, အမတသ္သ သံယောဇနိယာဒိဘာဝော အာပဇ္ဇတီတိ စောဒေတုံ အမတံ သံယောဇနိယန္တိအာဒိမာဟ။ ဣတရော သုတ္တဝိရောဓဘယေန သဗ္ဗံ ပဋိက္ခိပတိ။ ဣမိနာ ဥပာယေန သဗ္ဗဝာရေသု အတ္ထော ဝေဒိတဗ္ဗော။ နိဗ္ဗာနံ နိဗ္ဗာနတောတိ အာဟဋသုတ္တံ ပန ဒိဋ္ဌဓမ္မနိဗ္ဗာနံ သန္ဓာယ ဘာသိတံ, တသ္မာ အသာဓကန္တိ။
549. Idāni amatārammaṇakathā nāma hoti. Tattha yesaṃ ‘‘nibbānaṃ maññatī’’tiādīnaṃ ayoniso atthaṃ gahetvā amatārammaṇaṃ saṃyojanaṃ hotīti laddhi, seyyathāpi pubbaseliyānaṃ, te sandhāya pucchā sakavādissa, paṭiññā itarassa. Atha naṃ sace amatārammaṇaṃ saṃyojanaṃ, amatassa saṃyojaniyādibhāvo āpajjatīti codetuṃ amataṃ saṃyojaniyantiādimāha. Itaro suttavirodhabhayena sabbaṃ paṭikkhipati. Iminā upāyena sabbavāresu attho veditabbo. Nibbānaṃ nibbānatoti āhaṭasuttaṃ pana diṭṭhadhammanibbānaṃ sandhāya bhāsitaṃ, tasmā asādhakanti.
အမတာရမ္မဏကထာဝဏ္ဏနာ။
Amatārammaṇakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၈၅) ၂. အမတာရမ္မဏကထာ • (85) 2. Amatārammaṇakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၂. အမတာရမ္မဏကထာဝဏ္ဏနာ • 2. Amatārammaṇakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၂. အမတာရမ္မဏကထာဝဏ္ဏနာ • 2. Amatārammaṇakathāvaṇṇanā
