| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. অমতারম্মণকথাৰণ্ণনা
2. Amatārammaṇakathāvaṇṇanā
৫৪৯. ইদানি অমতারম্মণকথা নাম হোতি। তত্থ যেসং ‘‘নিব্বানং মঞ্ঞতী’’তিআদীনং অযোনিসো অত্থং গহেত্ৰা অমতারম্মণং সংযোজনং হোতীতি লদ্ধি, সেয্যথাপি পুব্বসেলিযানং, তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং সচে অমতারম্মণং সংযোজনং, অমতস্স সংযোজনিযাদিভাৰো আপজ্জতীতি চোদেতুং অমতং সংযোজনিযন্তিআদিমাহ। ইতরো সুত্তৰিরোধভযেন সব্বং পটিক্খিপতি। ইমিনা উপাযেন সব্বৰারেসু অত্থো ৰেদিতব্বো। নিব্বানং নিব্বানতোতি আহটসুত্তং পন দিট্ঠধম্মনিব্বানং সন্ধায ভাসিতং, তস্মা অসাধকন্তি।
549. Idāni amatārammaṇakathā nāma hoti. Tattha yesaṃ ‘‘nibbānaṃ maññatī’’tiādīnaṃ ayoniso atthaṃ gahetvā amatārammaṇaṃ saṃyojanaṃ hotīti laddhi, seyyathāpi pubbaseliyānaṃ, te sandhāya pucchā sakavādissa, paṭiññā itarassa. Atha naṃ sace amatārammaṇaṃ saṃyojanaṃ, amatassa saṃyojaniyādibhāvo āpajjatīti codetuṃ amataṃ saṃyojaniyantiādimāha. Itaro suttavirodhabhayena sabbaṃ paṭikkhipati. Iminā upāyena sabbavāresu attho veditabbo. Nibbānaṃ nibbānatoti āhaṭasuttaṃ pana diṭṭhadhammanibbānaṃ sandhāya bhāsitaṃ, tasmā asādhakanti.
অমতারম্মণকথাৰণ্ণনা।
Amatārammaṇakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৮৫) ২. অমতারম্মণকথা • (85) 2. Amatārammaṇakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. অমতারম্মণকথাৰণ্ণনা • 2. Amatārammaṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. অমতারম্মণকথাৰণ্ণনা • 2. Amatārammaṇakathāvaṇṇanā
