| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
2. ஆமக³ந்த⁴ஸுத்தங்
2. Āmagandhasuttaṃ
242.
242.
‘‘ஸாமாகசிங்கூ³லகசீனகானி ச, பத்தப்ப²லங் மூலப²லங் க³விப்ப²லங்;
‘‘Sāmākaciṅgūlakacīnakāni ca, pattapphalaṃ mūlaphalaṃ gavipphalaṃ;
த⁴ம்மேன லத்³த⁴ங் ஸதமஸ்னமானா 1, ந காமகாமா அலிகங் ப⁴ணந்தி.
Dhammena laddhaṃ satamasnamānā 2, na kāmakāmā alikaṃ bhaṇanti.
243.
243.
‘‘யத³ஸ்னமானோ ஸுகதங் ஸுனிட்டி²தங், பரேஹி தி³ன்னங் பயதங் பணீதங்;
‘‘Yadasnamāno sukataṃ suniṭṭhitaṃ, parehi dinnaṃ payataṃ paṇītaṃ;
ஸாலீனமன்னங் பரிபு⁴ஞ்ஜமானோ, ஸோ பு⁴ஞ்ஜஸீ கஸ்ஸப ஆமக³ந்த⁴ங்.
Sālīnamannaṃ paribhuñjamāno, so bhuñjasī kassapa āmagandhaṃ.
244.
244.
‘‘ந ஆமக³ந்தோ⁴ மம கப்பதீதி, இச்சேவ த்வங் பா⁴ஸஸி ப்³ரஹ்மப³ந்து⁴;
‘‘Na āmagandho mama kappatīti, icceva tvaṃ bhāsasi brahmabandhu;
ஸாலீனமன்னங் பரிபு⁴ஞ்ஜமானோ, ஸகுந்தமங்ஸேஹி ஸுஸங்க²தேஹி;
Sālīnamannaṃ paribhuñjamāno, sakuntamaṃsehi susaṅkhatehi;
புச்சா²மி தங் கஸ்ஸப ஏதமத்த²ங், கத²ங் பகாரோ தவ ஆமக³ந்தோ⁴’’.
Pucchāmi taṃ kassapa etamatthaṃ, kathaṃ pakāro tava āmagandho’’.
245.
245.
‘‘பாணாதிபாதோ வத⁴சே²த³ப³ந்த⁴னங், தெ²ய்யங் முஸாவாதோ³ நிகதிவஞ்சனானி ச;
‘‘Pāṇātipāto vadhachedabandhanaṃ, theyyaṃ musāvādo nikativañcanāni ca;
அஜ்ஜே²னகுத்தங் 3 பரதா³ரஸேவனா, ஏஸாமக³ந்தோ⁴ ந ஹி மங்ஸபோ⁴ஜனங்.
Ajjhenakuttaṃ 4 paradārasevanā, esāmagandho na hi maṃsabhojanaṃ.
246.
246.
‘‘யே இத⁴ காமேஸு அஸஞ்ஞதா ஜனா, ரஸேஸு கி³த்³தா⁴ அஸுசிபா⁴வமஸ்ஸிதா 5;
‘‘Ye idha kāmesu asaññatā janā, rasesu giddhā asucibhāvamassitā 6;
நத்தி²கதி³ட்டீ² விஸமா து³ரன்னயா, ஏஸாமக³ந்தோ⁴ ந ஹி மங்ஸபோ⁴ஜனங்.
Natthikadiṭṭhī visamā durannayā, esāmagandho na hi maṃsabhojanaṃ.
247.
247.
‘‘யே லூக²ஸா தா³ருணா பிட்டி²மங்ஸிகா 7, மித்தத்³து³னோ நிக்கருணாதிமானினோ;
‘‘Ye lūkhasā dāruṇā piṭṭhimaṃsikā 8, mittadduno nikkaruṇātimānino;
அதா³னஸீலா ந ச தெ³ந்தி கஸ்ஸசி, ஏஸாமக³ந்தோ⁴ ந ஹி மங்ஸபோ⁴ஜனங்.
Adānasīlā na ca denti kassaci, esāmagandho na hi maṃsabhojanaṃ.
248.
248.
‘‘கோதோ⁴ மதோ³ த²ம்போ⁴ பச்சுபட்டா²பனா 9, மாயா உஸூயா ப⁴ஸ்ஸஸமுஸ்ஸயோ ச;
‘‘Kodho mado thambho paccupaṭṭhāpanā 10, māyā usūyā bhassasamussayo ca;
மானாதிமானோ ச அஸப்³பி⁴ ஸந்த²வோ, ஏஸாமக³ந்தோ⁴ ந ஹி மங்ஸபோ⁴ஜனங்.
Mānātimāno ca asabbhi santhavo, esāmagandho na hi maṃsabhojanaṃ.
249.
249.
‘‘யே பாபஸீலா இணகா⁴தஸூசகா, வோஹாரகூடா இத⁴ பாடிரூபிகா 11;
‘‘Ye pāpasīlā iṇaghātasūcakā, vohārakūṭā idha pāṭirūpikā 12;
நராத⁴மா யேத⁴ கரொந்தி கிப்³பி³ஸங், ஏஸாமக³ந்தோ⁴ ந ஹி மங்ஸபோ⁴ஜனங்.
Narādhamā yedha karonti kibbisaṃ, esāmagandho na hi maṃsabhojanaṃ.
250.
250.
‘‘யே இத⁴ பாணேஸு அஸஞ்ஞதா ஜனா, பரேஸமாதா³ய விஹேஸமுய்யுதா;
‘‘Ye idha pāṇesu asaññatā janā, paresamādāya vihesamuyyutā;
து³ஸ்ஸீலலுத்³தா³ ப²ருஸா அனாத³ரா, ஏஸாமக³ந்தோ⁴ ந ஹி மங்ஸபோ⁴ஜனங்.
Dussīlaluddā pharusā anādarā, esāmagandho na hi maṃsabhojanaṃ.
251.
251.
‘‘ஏதேஸு கி³த்³தா⁴ விருத்³தா⁴திபாதினோ, நிச்சுய்யுதா பேச்ச தமங் வஜந்தி யே;
‘‘Etesu giddhā viruddhātipātino, niccuyyutā pecca tamaṃ vajanti ye;
பதந்தி ஸத்தா நிரயங் அவங்ஸிரா, ஏஸாமக³ந்தோ⁴ ந ஹி மங்ஸபோ⁴ஜனங்.
Patanti sattā nirayaṃ avaṃsirā, esāmagandho na hi maṃsabhojanaṃ.
252.
252.
‘‘ந மச்ச²மங்ஸானமனாஸகத்தங் 13, ந நக்³கி³யங் ந முண்டி³யங் ஜடாஜல்லங்;
‘‘Na macchamaṃsānamanāsakattaṃ 14, na naggiyaṃ na muṇḍiyaṃ jaṭājallaṃ;
க²ராஜினானி நாக்³கி³ஹுத்தஸ்ஸுபஸேவனா, யே வாபி லோகே அமரா ப³ஹூ தபா;
Kharājināni nāggihuttassupasevanā, ye vāpi loke amarā bahū tapā;
மந்தாஹுதீ யஞ்ஞமுதூபஸேவனா, ஸோதெ⁴ந்தி மச்சங் அவிதிண்ணகங்க²ங்.
Mantāhutī yaññamutūpasevanā, sodhenti maccaṃ avitiṇṇakaṅkhaṃ.
253.
253.
‘‘யோ தேஸு 15 கு³த்தோ விதி³திந்த்³ரியோ சரே, த⁴ம்மே டி²தோ அஜ்ஜவமத்³த³வே ரதோ;
‘‘Yo tesu 16 gutto viditindriyo care, dhamme ṭhito ajjavamaddave rato;
ஸங்கா³திகோ³ ஸப்³ப³து³க்க²ப்பஹீனோ, ந லிப்பதி 17 தி³ட்ட²ஸுதேஸு தீ⁴ரோ’’.
Saṅgātigo sabbadukkhappahīno, na lippati 18 diṭṭhasutesu dhīro’’.
254.
254.
இச்சேதமத்த²ங் ப⁴க³வா புனப்புனங், அக்கா²ஸி நங் 19 வேத³யி மந்தபாரகூ³;
Iccetamatthaṃ bhagavā punappunaṃ, akkhāsi naṃ 20 vedayi mantapāragū;
சித்ராஹி கா³தா²ஹி முனீ பகாஸயி, நிராமக³ந்தோ⁴ அஸிதோ து³ரன்னயோ.
Citrāhi gāthāhi munī pakāsayi, nirāmagandho asito durannayo.
255.
255.
ஸுத்வான பு³த்³த⁴ஸ்ஸ ஸுபா⁴ஸிதங் பத³ங், நிராமக³ந்த⁴ங் ஸப்³ப³து³க்க²ப்பனூத³னங்;
Sutvāna buddhassa subhāsitaṃ padaṃ, nirāmagandhaṃ sabbadukkhappanūdanaṃ;
நீசமனோ வந்தி³ ததா²க³தஸ்ஸ, தத்தே²வ பப்³ப³ஜ்ஜமரோசயித்தா²தி.
Nīcamano vandi tathāgatassa, tattheva pabbajjamarocayitthāti.
ஆமக³ந்த⁴ஸுத்தங் து³தியங் நிட்டி²தங்.
Āmagandhasuttaṃ dutiyaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 2. ஆமக³ந்த⁴ஸுத்தவண்ணனா • 2. Āmagandhasuttavaṇṇanā
