| Library / Tipiṭaka / တိပိဋက • Tipiṭaka / ဝိမာနဝတ္ထုပာဠိ • Vimānavatthupāḷi |
၄. အလောမဝိမာနဝတ္ထု
4. Alomavimānavatthu
၇၁၁.
711.
‘‘အဘိက္ကန္တေန ဝဏ္ဏေန၊ ယာ တ္ဝံ တိဋ္ဌသိ ဒေဝတေ။
‘‘Abhikkantena vaṇṇena, yā tvaṃ tiṭṭhasi devate;
ဩဘာသေန္တီ ဒိသာ သဗ္ဗာ၊ ဩသဓီ ဝိယ တာရကာ။
Obhāsentī disā sabbā, osadhī viya tārakā.
၇၁၂.
712.
‘‘ကေန တေတာဒိသော ဝဏ္ဏော။ပေ.။
‘‘Kena tetādiso vaṇṇo…pe…
ဝဏ္ဏော စ တေ သဗ္ဗဒိသာ ပဘာသတီ’’တိ။
Vaṇṇo ca te sabbadisā pabhāsatī’’ti.
၇၁၄.
714.
သာ ဒေဝတာ အတ္တမနာ။ပေ.။ ယသ္သ ကမ္မသ္သိဒံ ဖလံ။
Sā devatā attamanā…pe… yassa kammassidaṃ phalaṃ.
၇၁၅.
715.
‘‘အဟဉ္စ ဗာရာဏသိယံ၊ ဗုဒ္ဓသ္သာဒိစ္စဗန္ဓုနော။
‘‘Ahañca bārāṇasiyaṃ, buddhassādiccabandhuno;
အဒာသိံ သုက္ခကုမ္မာသံ၊ ပသန္နာ သေဟိ ပာဏိဘိ။
Adāsiṃ sukkhakummāsaṃ, pasannā sehi pāṇibhi.
၇၁၆.
716.
‘‘သုက္ခာယ အလောဏိကာယ စ၊ ပသ္သ ဖလံ ကုမ္မာသပိဏ္ဍိယာ။
‘‘Sukkhāya aloṇikāya ca, passa phalaṃ kummāsapiṇḍiyā;
အလောမံ သုခိတံ ဒိသ္ဝာ၊ ကော ပုညံ န ကရိသ္သတိ။
Alomaṃ sukhitaṃ disvā, ko puññaṃ na karissati.
၇၁၇.
717.
‘‘တေန မေတာဒိသော ဝဏ္ဏော။ပေ.။ ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
အလောမဝိမာနံ စတုတ္ထံ။
Alomavimānaṃ catutthaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဝိမာနဝတ္ထု-အဋ္ဌကထာ • Vimānavatthu-aṭṭhakathā / ၄. အလောမဝိမာနဝဏ္ဏနာ • 4. Alomavimānavaṇṇanā
