| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. бхигкунийсам̣яуд̇д̇ам̣
5. Bhikkhunīsaṃyuttaṃ
1. аал̣авигаасуд̇д̇аван̣н̣анаа
1. Āḷavikāsuttavaṇṇanā
162. бхигкунийсам̣яуд̇д̇асса батамз аал̣авигаад̇и аал̣авияам̣ ж̇аад̇аа аал̣авинаг̇арад̇оязва жа нигкамма баб̣б̣аж̇ид̇аа. анд̇хавананд̇и гассабасаммаасамб̣уд̣̇д̇хасса жзд̇ияз навагаммад̇т̇ааяа д̇ханам̣ самаад̣̇абзд̇ваа ааг̇ажчанд̇асса яасод̇харасса наама д̇хаммабхаан̣агасса арияабуг̇г̇аласса агкийни уббаадзд̇ваа д̇ад̇т̇зва агкибхзд̣̇аббад̇д̇зхи бан̃жахи жорасад̇зхи нивуд̇т̇ад̇д̇аа д̇ад̇о бадтааяа ‘‘анд̇хавана’’нд̇и сан̇кам̣ г̇ад̇ам̣ ванам̣. д̇ам̣ гира саавад̇т̇ид̇о д̣̇агкин̣абассз г̇аавуд̇амад̇д̇з ход̇и рааж̇аарагкааяа г̇уд̇д̇ам̣. д̇ад̇т̇а бавивзгагаамаа бхигкуу жа бхигкунияо жа г̇ажчанд̇и. д̇асмаа аяамби гааяавивзгад̇т̇иний язна д̇ам̣ ванам̣, д̇знубасан̇гами. ниссаран̣анд̇и ниб̣б̣аанам̣. бан̃н̃ааяаад̇и бажжавзгкан̣ан̃аан̣зна. на д̇вам̣ ж̇аанааси д̇ам̣ бад̣̇анд̇и д̇вам̣ зд̇ам̣ ниб̣б̣аанабад̣̇ам̣ ваа ниб̣б̣аанаг̇аамимаг̇г̇абад̣̇ам̣ ваа на ж̇аанааси. сад̇д̇исуулуубамаад̇и винивиж̇жханад̇т̇зна сад̇д̇исууласад̣̇исаа. канд̇хаасам̣ ад̇хигудданаад̇и канд̇хаа д̇зсам̣ ад̇хигудданабхан̣д̣игаа. батамам̣.
162. Bhikkhunīsaṃyuttassa paṭhame āḷavikāti āḷaviyaṃ jātā āḷavinagaratoyeva ca nikkhamma pabbajitā. Andhavananti kassapasammāsambuddhassa cetiye navakammatthāya dhanaṃ samādapetvā āgacchantassa yasodharassa nāma dhammabhāṇakassa ariyapuggalassa akkhīni uppāṭetvā tattheva akkhibhedappattehi pañcahi corasatehi nivutthattā tato paṭṭhāya ‘‘andhavana’’nti saṅkhaṃ gataṃ vanaṃ. Taṃ kira sāvatthito dakkhiṇapasse gāvutamatte hoti rājārakkhāya guttaṃ. Tattha pavivekakāmā bhikkhū ca bhikkhuniyo ca gacchanti. Tasmā ayampi kāyavivekatthinī yena taṃ vanaṃ, tenupasaṅkami. Nissaraṇanti nibbānaṃ. Paññāyāti paccavekkhaṇañāṇena. Na tvaṃ jānāsi taṃ padanti tvaṃ etaṃ nibbānapadaṃ vā nibbānagāmimaggapadaṃ vā na jānāsi. Sattisūlūpamāti vinivijjhanatthena sattisūlasadisā. Khandhāsaṃ adhikuṭṭanāti khandhā tesaṃ adhikuṭṭanabhaṇḍikā. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аал̣авигаасуд̇д̇ам̣ • 1. Āḷavikāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. аал̣авигаасуд̇д̇аван̣н̣анаа • 1. Āḷavikāsuttavaṇṇanā
