| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༥༨. ཨལཛྫཱིནིསྶཡཝཏྠཱུནི
58. Alajjīnissayavatthūni
༡༢༠. ཏེན ཁོ པན སམཡེན ཚབྦགྒིཡཱ བྷིཀྑཱུ ཨལཛྫཱིནཾ ནིསྶཡཾ དེནྟི། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, ཨལཛྫཱིནཾ ནིསྶཡོ དཱཏབྦོ། ཡོ དདེཡྻ, ཨཱཔཏྟི དུཀྐཊསྶཱཏི།
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
ཏེན ཁོ པན སམཡེན བྷིཀྑཱུ ཨལཛྫཱིནཾ ནིསྶཱཡ ཝསནྟི། ཏེཔི ནཙིརསྶེཝ ཨལཛྫིནོ ཧོནྟི པཱཔཀཱབྷིཀྑཱུ། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, ཨལཛྫཱིནཾ ནིསྶཱཡ ཝཏྠབྦཾ། ཡོ ཝསེཡྻ, ཨཱཔཏྟི དུཀྐཊསྶཱཏི།
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
ཨཐ ཁོ བྷིཀྑཱུནཾ ཨེཏདཧོསི – ‘‘བྷགཝཏཱ པཉྙཏྟཾ ‘ན ཨལཛྫཱིནཾ ནིསྶཡོ དཱཏབྦོ, ན ཨལཛྫཱིནཾ ནིསྶཱཡ ཝཏྠབྦ’ནྟི། ཀཐཾ ནུ ཁོ མཡཾ ཛཱནེཡྻཱམ ལཛྫིཾ ཝཱ ཨལཛྫིཾ ཝཱ’’ཏི? བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, ཙཏཱུཧཔཉྩཱཧཾ ཨཱགམེཏུཾ ཡཱཝ བྷིཀྑུསབྷཱགཏཾ ཛཱནཱམཱིཏི།
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨལཛྫཱིནིསྶཡཝཏྠུཀཐཱ • Alajjīnissayavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨལཛྫཱིནིསྶཡཝཏྠུཀཐཱཝཎྞནཱ • Alajjīnissayavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨལཛྫཱིནིསྶཡཝཏྠུཀཐཱཝཎྞནཱ • Alajjīnissayavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨལཛྫིནིསྶཡཝཏྠུཀཐཱཝཎྞནཱ • Alajjinissayavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥༨. ཨལཛྫཱིནིསྶཡཝཏྠུཀཐཱ • 58. Alajjīnissayavatthukathā
