| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਅਕੁਸਲવਿਤਕ੍ਕਸੁਤ੍ਤਂ
11. Akusalavitakkasuttaṃ
੨੩੧. ਏਕਂ ਸਮਯਂ ਅਞ੍ਞਤਰੋ ਭਿਕ੍ਖੁ ਕੋਸਲੇਸੁ વਿਹਰਤਿ ਅਞ੍ਞਤਰਸ੍ਮਿਂ વਨਸਣ੍ਡੇ। ਤੇਨ ਖੋ ਪਨ ਸਮਯੇਨ ਸੋ ਭਿਕ੍ਖੁ ਦਿવਾવਿਹਾਰਗਤੋ ਪਾਪਕੇ ਅਕੁਸਲੇ વਿਤਕ੍ਕੇ વਿਤਕ੍ਕੇਤਿ, ਸੇਯ੍ਯਥਿਦਂ – ਕਾਮવਿਤਕ੍ਕਂ, ਬ੍ਯਾਪਾਦવਿਤਕ੍ਕਂ, વਿਹਿਂਸਾવਿਤਕ੍ਕਂ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਤਸ੍ਸ ਭਿਕ੍ਖੁਨੋ ਅਨੁਕਮ੍ਪਿਕਾ ਅਤ੍ਥਕਾਮਾ ਤਂ ਭਿਕ੍ਖੁਂ ਸਂવੇਜੇਤੁਕਾਮਾ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਗਾਥਾਹਿ ਅਜ੍ਝਭਾਸਿ –
231. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi, seyyathidaṃ – kāmavitakkaṃ, byāpādavitakkaṃ, vihiṃsāvitakkaṃ. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘ਅਯੋਨਿਸੋ ਮਨਸਿਕਾਰਾ, ਸੋ વਿਤਕ੍ਕੇਹਿ ਖਜ੍ਜਸਿ।
‘‘Ayoniso manasikārā, so vitakkehi khajjasi;
‘‘ਸਤ੍ਥਾਰਂ ਧਮ੍ਮਮਾਰਬ੍ਭ, ਸਙ੍ਘਂ ਸੀਲਾਨਿ ਅਤ੍ਤਨੋ।
‘‘Satthāraṃ dhammamārabbha, saṅghaṃ sīlāni attano;
ਅਧਿਗਚ੍ਛਸਿ ਪਾਮੋਜ੍ਜਂ, ਪੀਤਿਸੁਖਮਸਂਸਯਂ।
Adhigacchasi pāmojjaṃ, pītisukhamasaṃsayaṃ;
ਤਤੋ ਪਾਮੋਜ੍ਜਬਹੁਲੋ, ਦੁਕ੍ਖਸ੍ਸਨ੍ਤਂ ਕਰਿਸ੍ਸਸੀ’’ਤਿ॥
Tato pāmojjabahulo, dukkhassantaṃ karissasī’’ti.
ਅਥ ਖੋ ਸੋ ਭਿਕ੍ਖੁ ਤਾਯ ਦੇવਤਾਯ ਸਂવੇਜਿਤੋ ਸਂવੇਗਮਾਪਾਦੀਤਿ।
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਅਕੁਸਲવਿਤਕ੍ਕਸੁਤ੍ਤવਣ੍ਣਨਾ • 11. Akusalavitakkasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਅਕੁਸਲવਿਤਕ੍ਕਸੁਤ੍ਤવਣ੍ਣਨਾ • 11. Akusalavitakkasuttavaṇṇanā
