| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā |
ਅਕੁਸਲવਿਪਾਕਕਥਾ
Akusalavipākakathā
੫੫੬. ਇਤੋ ਪਰਾਨਿ ਅਕੁਸਲવਿਪਾਕਾਨਿ – ਪਞ੍ਚ ਚਕ੍ਖੁਸੋਤਘਾਨਜਿવ੍ਹਾਕਾਯવਿਞ੍ਞਾਣਾਨਿ, ਏਕਾ ਮਨੋਧਾਤੁ, ਏਕਾ ਮਨੋવਿਞ੍ਞਾਣਧਾਤੂਤਿ ਇਮਾਨਿ ਸਤ੍ਤ ਚਿਤ੍ਤਾਨਿ – ਪਾਲ਼ਿਤੋ ਚ ਅਤ੍ਥਤੋ ਚ ਹੇਟ੍ਠਾ વੁਤ੍ਤੇਹਿ ਤਾਦਿਸੇਹੇવ ਕੁਸਲવਿਪਾਕਚਿਤ੍ਤੇਹਿ ਸਦਿਸਾਨਿ।
556. Ito parāni akusalavipākāni – pañca cakkhusotaghānajivhākāyaviññāṇāni, ekā manodhātu, ekā manoviññāṇadhātūti imāni satta cittāni – pāḷito ca atthato ca heṭṭhā vuttehi tādiseheva kusalavipākacittehi sadisāni.
ਕੇવਲਞ੍ਹਿ ਤਾਨਿ ਕੁਸਲਕਮ੍ਮਪਚ੍ਚਯਾਨਿ ਇਮਾਨਿ ਅਕੁਸਲਕਮ੍ਮਪਚ੍ਚਯਾਨਿ। ਤਾਨਿ ਚ ਇਟ੍ਠਇਟ੍ਠਮਜ੍ਝਤ੍ਤੇਸੁ ਆਰਮ੍ਮਣੇਸੁ વਤ੍ਤਨ੍ਤਿ, ਇਮਾਨਿ ਅਨਿਟ੍ਠਅਨਿਟ੍ਠਮਜ੍ਝਤ੍ਤੇਸੁ। ਤਤ੍ਥ ਚ ਸੁਖਸਹਗਤਂ ਕਾਯવਿਞ੍ਞਾਣਂ, ਇਧ ਦੁਕ੍ਖਸਹਗਤਂ । ਤਤ੍ਥ ਚ ਉਪੇਕ੍ਖਾਸਹਗਤਾ ਮਨੋવਿਞ੍ਞਾਣਧਾਤੁ ਮਨੁਸ੍ਸੇਸੁ ਜਚ੍ਚਨ੍ਧਾਦੀਨਂ ਪਟਿਸਨ੍ਧਿਂ ਆਦਿਂ ਕਤ੍વਾ ਪਞ੍ਚਸੁ ਠਾਨੇਸੁ વਿਪਚ੍ਚਤਿ। ਇਧ ਪਨ ਏਕਾਦਸવਿਧੇਨਾਪਿ ਅਕੁਸਲਚਿਤ੍ਤੇਨ ਕਮ੍ਮੇ ਆਯੂਹਿਤੇ ਕਮ੍ਮਕਮ੍ਮਨਿਮਿਤ੍ਤਗਤਿਨਿਮਿਤ੍ਤੇਸੁ ਅਞ੍ਞਤਰਂ ਆਰਮ੍ਮਣਂ ਕਤ੍વਾ ਚਤੂਸੁ ਅਪਾਯੇਸੁ ਪਟਿਸਨ੍ਧਿ ਹੁਤ੍વਾ વਿਪਚ੍ਚਤਿ; ਦੁਤਿਯવਾਰਤੋ ਪਟ੍ਠਾਯ ਯਾવਤਾਯੁਕਂ ਭવਙ੍ਗਂ ਹੁਤ੍વਾ, ਅਨਿਟ੍ਠਅਨਿਟ੍ਠਮਜ੍ਝਤ੍ਤਾਰਮ੍ਮਣਾਯ ਪਞ੍ਚવਿਞ੍ਞਾਣવੀਥਿਯਾ ਸਨ੍ਤੀਰਣਂ ਹੁਤ੍વਾ, ਬਲવਾਰਮ੍ਮਣੇ ਛਸੁ ਦ੍વਾਰੇਸੁ ਤਦਾਰਮ੍ਮਣਂ ਹੁਤ੍વਾ, ਮਰਣਕਾਲੇ ਚੁਤਿ ਹੁਤ੍વਾਤਿ, ਏવਂ ਪਞ੍ਚਸੁ ਏવ ਠਾਨੇਸੁ વਿਪਚ੍ਚਤੀਤਿ।
Kevalañhi tāni kusalakammapaccayāni imāni akusalakammapaccayāni. Tāni ca iṭṭhaiṭṭhamajjhattesu ārammaṇesu vattanti, imāni aniṭṭhaaniṭṭhamajjhattesu. Tattha ca sukhasahagataṃ kāyaviññāṇaṃ, idha dukkhasahagataṃ . Tattha ca upekkhāsahagatā manoviññāṇadhātu manussesu jaccandhādīnaṃ paṭisandhiṃ ādiṃ katvā pañcasu ṭhānesu vipaccati. Idha pana ekādasavidhenāpi akusalacittena kamme āyūhite kammakammanimittagatinimittesu aññataraṃ ārammaṇaṃ katvā catūsu apāyesu paṭisandhi hutvā vipaccati; dutiyavārato paṭṭhāya yāvatāyukaṃ bhavaṅgaṃ hutvā, aniṭṭhaaniṭṭhamajjhattārammaṇāya pañcaviññāṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti, evaṃ pañcasu eva ṭhānesu vipaccatīti.
ਅਕੁਸਲવਿਪਾਕਕਥਾ ਨਿਟ੍ਠਿਤਾ।
Akusalavipākakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਅਕੁਸਲવਿਪਾਕਅਬ੍ਯਾਕਤਂ • Akusalavipākaabyākataṃ
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਅਕੁਸਲવਿਪਾਕਕਥਾવਣ੍ਣਨਾ • Akusalavipākakathāvaṇṇanā
