| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. อกุสลธมฺมสุตฺตํ
2. Akusaladhammasuttaṃ
๒๒. สาวตฺถินิทานํฯ ‘‘อกุสเล จ โข, ภิกฺขเว, ธเมฺม เทเสสฺสามิ, กุสเล จ ธเมฺมฯ ตํ สุณาถฯ กตเม จ, ภิกฺขเว, อกุสลา ธมฺมา? เสยฺยถิทํ – มิจฺฉาทิฎฺฐิ…เป.… มิจฺฉาสมาธิฯ อิเม วุจฺจนฺติ, ภิกฺขเว, อกุสลา ธมฺมาฯ กตเม จ, ภิกฺขเว, กุสลา ธมฺมา ? เสยฺยถิทํ – สมฺมาทิฎฺฐิ…เป.… สมฺมาสมาธิฯ อิเม วุจฺจนฺติ, ภิกฺขเว, กุสลา ธมฺมา’’ติฯ ทุติยํฯ
22. Sāvatthinidānaṃ. ‘‘Akusale ca kho, bhikkhave, dhamme desessāmi, kusale ca dhamme. Taṃ suṇātha. Katame ca, bhikkhave, akusalā dhammā? Seyyathidaṃ – micchādiṭṭhi…pe… micchāsamādhi. Ime vuccanti, bhikkhave, akusalā dhammā. Katame ca, bhikkhave, kusalā dhammā ? Seyyathidaṃ – sammādiṭṭhi…pe… sammāsamādhi. Ime vuccanti, bhikkhave, kusalā dhammā’’ti. Dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. มิจฺฉตฺตวคฺควณฺณนา • 3. Micchattavaggavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. มิจฺฉตฺตวคฺควณฺณนา • 3. Micchattavaggavaṇṇanā
