| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
(೨೨) ೨. ಅಕ್ಕೋಸಕವಗ್ಗೋ
(22) 2. Akkosakavaggo
೧-೨. ಅಕ್ಕೋಸಕಸುತ್ತಾದಿವಣ್ಣನಾ
1-2. Akkosakasuttādivaṇṇanā
೨೧೧-೨. ದುತಿಯಸ್ಸ ಪಠಮೇ ದಸಹಿ ಅಕ್ಕೋಸವತ್ಥೂಹಿ ಅಕ್ಕೋಸಕೋತಿ ‘‘ಬಾಲೋಸಿ, ಮೂಳ್ಹೋಸಿ, ಓಟ್ಠೋಸಿ, ಗೋಣೋಸಿ, ಗದ್ರಭೋಸೀ’’ತಿಆದಿನಾ ದಸಹಿ ಅಕ್ಕೋಸವತ್ಥೂಹಿ ಅಕ್ಕೋಸಕೋ। ‘‘ಹೋತು, ಮುಣ್ಡಕಸಮಣ, ಅದಣ್ಡೋ ಅಹನ್ತಿ ಕರೋಸಿ, ಇದಾನಿ ತೇ ರಾಜಕುಲಂ ಗನ್ತ್ವಾ ದಣ್ಡಂ ಆರೋಪೇಸ್ಸಾಮೀ’’ತಿಆದೀನಿ ವದನ್ತೋ ಪರಿಭಾಸಕೋ ನಾಮಾತಿ ಆಹ ‘‘ಭಯದಸ್ಸನೇನ ಪರಿಭಾಸಕೋ’’ತಿ। ಲೋಕುತ್ತರಧಮ್ಮಾ ಅಪಾಯಮಗ್ಗಸ್ಸ ಪರಿಪನ್ಥಭಾವತೋ ಪರಿಪನ್ಥೋ ನಾಮಾತಿ ಆಹ ‘‘ಲೋಕುತ್ತರಪರಿಪನ್ಥಸ್ಸ ಛಿನ್ನತ್ತಾ’’ತಿ, ಲೋಕುತ್ತರಸಙ್ಖಾತಸ್ಸ ಅಪಾಯಮಗ್ಗಪರಿಪನ್ಥಸ್ಸ ಛಿನ್ನತ್ತಾತಿ ಅತ್ಥೋ। ದುತಿಯೇ ನತ್ಥಿ ವತ್ತಬ್ಬಂ।
211-2. Dutiyassa paṭhame dasahi akkosavatthūhi akkosakoti ‘‘bālosi, mūḷhosi, oṭṭhosi, goṇosi, gadrabhosī’’tiādinā dasahi akkosavatthūhi akkosako. ‘‘Hotu, muṇḍakasamaṇa, adaṇḍo ahanti karosi, idāni te rājakulaṃ gantvā daṇḍaṃ āropessāmī’’tiādīni vadanto paribhāsako nāmāti āha ‘‘bhayadassanena paribhāsako’’ti. Lokuttaradhammā apāyamaggassa paripanthabhāvato paripantho nāmāti āha ‘‘lokuttaraparipanthassa chinnattā’’ti, lokuttarasaṅkhātassa apāyamaggaparipanthassa chinnattāti attho. Dutiye natthi vattabbaṃ.
ಅಕ್ಕೋಸಕಸುತ್ತಾದಿವಣ್ಣನಾ ನಿಟ್ಠಿತಾ।
Akkosakasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೧. ಅಕ್ಕೋಸಕಸುತ್ತಂ • 1. Akkosakasuttaṃ
೨. ಭಣ್ಡನಕಾರಕಸುತ್ತಂ • 2. Bhaṇḍanakārakasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೧. ಅಕ್ಕೋಸಕಸುತ್ತವಣ್ಣನಾ • 1. Akkosakasuttavaṇṇanā
೨. ಭಣ್ಡನಕಾರಕಸುತ್ತವಣ್ಣನಾ • 2. Bhaṇḍanakārakasuttavaṇṇanā
