| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
(२२) २. अक्कोसकवग्गो
(22) 2. Akkosakavaggo
१-२. अक्कोसकसुत्तादिवण्णना
1-2. Akkosakasuttādivaṇṇanā
२११-२. दुतियस्स पठमे दसहि अक्कोसवत्थूहि अक्कोसकोति ‘‘बालोसि, मूळ्होसि, ओट्ठोसि, गोणोसि, गद्रभोसी’’तिआदिना दसहि अक्कोसवत्थूहि अक्कोसको। ‘‘होतु, मुण्डकसमण, अदण्डो अहन्ति करोसि, इदानि ते राजकुलं गन्त्वा दण्डं आरोपेस्सामी’’तिआदीनि वदन्तो परिभासको नामाति आह ‘‘भयदस्सनेन परिभासको’’ति। लोकुत्तरधम्मा अपायमग्गस्स परिपन्थभावतो परिपन्थो नामाति आह ‘‘लोकुत्तरपरिपन्थस्स छिन्नत्ता’’ति, लोकुत्तरसङ्खातस्स अपायमग्गपरिपन्थस्स छिन्नत्ताति अत्थो। दुतिये नत्थि वत्तब्बं।
211-2. Dutiyassa paṭhame dasahi akkosavatthūhi akkosakoti ‘‘bālosi, mūḷhosi, oṭṭhosi, goṇosi, gadrabhosī’’tiādinā dasahi akkosavatthūhi akkosako. ‘‘Hotu, muṇḍakasamaṇa, adaṇḍo ahanti karosi, idāni te rājakulaṃ gantvā daṇḍaṃ āropessāmī’’tiādīni vadanto paribhāsako nāmāti āha ‘‘bhayadassanena paribhāsako’’ti. Lokuttaradhammā apāyamaggassa paripanthabhāvato paripantho nāmāti āha ‘‘lokuttaraparipanthassa chinnattā’’ti, lokuttarasaṅkhātassa apāyamaggaparipanthassa chinnattāti attho. Dutiye natthi vattabbaṃ.
अक्कोसकसुत्तादिवण्णना निट्ठिता।
Akkosakasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. अक्कोसकसुत्तं • 1. Akkosakasuttaṃ
२. भण्डनकारकसुत्तं • 2. Bhaṇḍanakārakasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१. अक्कोसकसुत्तवण्णना • 1. Akkosakasuttavaṇṇanā
२. भण्डनकारकसुत्तवण्णना • 2. Bhaṇḍanakārakasuttavaṇṇanā
