| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
५. अक्कोधसुत्तवण्णना
5. Akkodhasuttavaṇṇanā
२७१. कोधो तुम्हे मा अभिभवीति एत्थ कोधेन अनभिभवनीयत्तं खन्तिमेत्ताकरुणादितप्पटिपक्खधम्मपरिब्रूहनेन । तथा हि तंसमङ्गिनो कोधो अभिभुय्यतीति आह ‘‘तुम्हेव कोधं अभिभवथ। कुज्झन्तानं मा पटिकुज्झित्था’’ति। पटिपदाति एसा पटिपत्ति। मेत्ताति अप्पनाप्पत्ता मेत्ता। तदुपचारो मेत्तापुब्बभागो। न विहिंसति किञ्चि एतायाति अविहिंसा। करुणाति अप्पनाप्पत्तकरुणा वेदितब्बा। तदुपचारो करुणापुब्बभागो। लामकजनन्ति खन्तिआदीसु योनिसोमनसिकाराभावेन गारय्हसमाचारसमायोगेन च निहीनं जनं। पच्चयपरिसुद्धिया कोधो अभिमद्दमानो पुग्गलं अभिमद्दति, तस्स सो पटिसङ्खानभावनाबलेहि सम्मदेव पहातब्बोति।
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
अक्कोधसुत्तवण्णना निट्ठिता।
Akkodhasuttavaṇṇanā niṭṭhitā.
ततियवग्गवण्णना निट्ठिता।
Tatiyavaggavaṇṇanā niṭṭhitā.
सारत्थप्पकासिनिया संयुत्तनिकाय-अट्ठकथाय
Sāratthappakāsiniyā saṃyuttanikāya-aṭṭhakathāya
सक्कसंयुत्तवण्णनाय लीनत्थप्पकासना समत्ता।
Sakkasaṃyuttavaṇṇanāya līnatthappakāsanā samattā.
निट्ठिता च सारत्थप्पकासिनिया
Niṭṭhitā ca sāratthappakāsiniyā
संयुत्तनिकाय-अट्ठकथाय सगाथावग्गवण्णना।
Saṃyuttanikāya-aṭṭhakathāya sagāthāvaggavaṇṇanā.
पठमो भागो निट्ठितो।
Paṭhamo bhāgo niṭṭhito.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ५. अक्कोधसुत्तं • 5. Akkodhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. अक्कोधसुत्तवण्णना • 5. Akkodhasuttavaṇṇanā
