| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
5. අක්කොධසුත්තං
5. Akkodhasuttaṃ
271. එවං මෙ සුතං – එකං සමයං භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. තත්ර ඛො භගවා භික්ඛූ…පෙ.… භගවා එතදවොච – ‘‘භූතපුබ්බං, භික්ඛවෙ, සක්කො දෙවානමින්දො සුධම්මායං සභායං දෙවෙ තාවතිංසෙ අනුනයමානො තායං වෙලායං ඉමං ගාථං අභාසි –
271. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū…pe… bhagavā etadavoca – ‘‘bhūtapubbaṃ, bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi –
‘‘මා වො කොධො අජ්ඣභවි, මා ච කුජ්ඣිත්ථ කුජ්ඣතං;
‘‘Mā vo kodho ajjhabhavi, mā ca kujjhittha kujjhataṃ;
අථ පාපජනං කොධො, පබ්බතොවාභිමද්දතී’’ති.
Atha pāpajanaṃ kodho, pabbatovābhimaddatī’’ti.
තතියො වග්ගො.
Tatiyo vaggo.
තස්සුද්දානං –
Tassuddānaṃ –
ඡෙත්වා දුබ්බණ්ණියමායා, අච්චයෙන අකොධනො;
Chetvā dubbaṇṇiyamāyā, accayena akodhano;
දෙසිතං බුද්ධසෙට්ඨෙන, ඉදඤ්හි සක්කපඤ්චකන්ති.
Desitaṃ buddhaseṭṭhena, idañhi sakkapañcakanti.
සක්කසංයුත්තං සමත්තං.
Sakkasaṃyuttaṃ samattaṃ.
සගාථාවග්ගො පඨමො.
Sagāthāvaggo paṭhamo.
තස්සුද්දානං –
Tassuddānaṃ –
දෙවතා දෙවපුත්තො ච, රාජා මාරො ච භික්ඛුනී;
Devatā devaputto ca, rājā māro ca bhikkhunī;
බ්රහ්මා බ්රාහ්මණ වඞ්ගීසො, වනයක්ඛෙන වාසවොති.
Brahmā brāhmaṇa vaṅgīso, vanayakkhena vāsavoti.
සගාථාවග්ගසංයුත්තපාළි නිට්ඨිතා.
Sagāthāvaggasaṃyuttapāḷi niṭṭhitā.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 5. අක්කොධසුත්තවණ්ණනා • 5. Akkodhasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 5. අක්කොධසුත්තවණ්ණනා • 5. Akkodhasuttavaṇṇanā
