| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. অক্কোধসুত্তং
5. Akkodhasuttaṃ
২৭১. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তত্র খো ভগৰা ভিক্খূ…পে॰… ভগৰা এতদৰোচ – ‘‘ভূতপুব্বং, ভিক্খৰে, সক্কো দেৰানমিন্দো সুধম্মাযং সভাযং দেৰে তাৰতিংসে অনুনযমানো তাযং ৰেলাযং ইমং গাথং অভাসি –
271. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū…pe… bhagavā etadavoca – ‘‘bhūtapubbaṃ, bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi –
‘‘মা ৰো কোধো অজ্ঝভৰি, মা চ কুজ্ঝিত্থ কুজ্ঝতং।
‘‘Mā vo kodho ajjhabhavi, mā ca kujjhittha kujjhataṃ;
অথ পাপজনং কোধো, পব্বতোৰাভিমদ্দতী’’তি॥
Atha pāpajanaṃ kodho, pabbatovābhimaddatī’’ti.
ততিযো ৰগ্গো।
Tatiyo vaggo.
তস্সুদ্দানং –
Tassuddānaṃ –
ছেত্ৰা দুব্বণ্ণিযমাযা, অচ্চযেন অকোধনো।
Chetvā dubbaṇṇiyamāyā, accayena akodhano;
দেসিতং বুদ্ধসেট্ঠেন, ইদঞ্হি সক্কপঞ্চকন্তি॥
Desitaṃ buddhaseṭṭhena, idañhi sakkapañcakanti.
সক্কসংযুত্তং সমত্তং।
Sakkasaṃyuttaṃ samattaṃ.
সগাথাৰগ্গো পঠমো।
Sagāthāvaggo paṭhamo.
তস্সুদ্দানং –
Tassuddānaṃ –
দেৰতা দেৰপুত্তো চ, রাজা মারো চ ভিক্খুনী।
Devatā devaputto ca, rājā māro ca bhikkhunī;
ব্রহ্মা ব্রাহ্মণ ৰঙ্গীসো, ৰনযক্খেন ৰাসৰোতি॥
Brahmā brāhmaṇa vaṅgīso, vanayakkhena vāsavoti.
সগাথাৰগ্গসংযুত্তপাল়ি নিট্ঠিতা।
Sagāthāvaggasaṃyuttapāḷi niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. অক্কোধসুত্তৰণ্ণনা • 5. Akkodhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. অক্কোধসুত্তৰণ্ণনা • 5. Akkodhasuttavaṇṇanā
