| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. அக்கந்தஸஞ்ஞகத்தே²ரஅபதா³னங்
8. Akkantasaññakattheraapadānaṃ
37.
37.
‘‘குஸாடகங் க³ஹெத்வான, உபஜ்ஜா²யஸ்ஸஹங் புரே;
‘‘Kusāṭakaṃ gahetvāna, upajjhāyassahaṃ pure;
38.
38.
‘‘அத்³த³ஸங் விரஜங் பு³த்³த⁴ங், ஆஹுதீனங் படிக்³க³ஹங்;
‘‘Addasaṃ virajaṃ buddhaṃ, āhutīnaṃ paṭiggahaṃ;
உஸப⁴ங் பவரங் அக்³க³ங், திஸ்ஸங் பு³த்³த⁴ங் க³ணுத்தமங் 3.
Usabhaṃ pavaraṃ aggaṃ, tissaṃ buddhaṃ gaṇuttamaṃ 4.
39.
39.
‘‘குஸாடகங் பத்த²ரிதங், அக்கமந்தங் நருத்தமங்;
‘‘Kusāṭakaṃ pattharitaṃ, akkamantaṃ naruttamaṃ;
ஸமுக்³க³தங் மஹாவீரங், லோகஜெட்ட²ங் நராஸப⁴ங்.
Samuggataṃ mahāvīraṃ, lokajeṭṭhaṃ narāsabhaṃ.
40.
40.
‘‘தி³ஸ்வா தங் லோகபஜ்ஜோதங், விமலங் சந்த³ஸன்னிப⁴ங்;
‘‘Disvā taṃ lokapajjotaṃ, vimalaṃ candasannibhaṃ;
அவந்தி³ங் ஸத்து²னோ பாதே³, விப்பஸன்னேன சேதஸா.
Avandiṃ satthuno pāde, vippasannena cetasā.
41.
41.
‘‘சதுன்னவுதிதோ கப்பே, யங் அதா³ஸிங் குஸாடகங்;
‘‘Catunnavutito kappe, yaṃ adāsiṃ kusāṭakaṃ;
து³க்³க³திங் நாபி⁴ஜானாமி, குஸாடகஸ்ஸித³ங் ப²லங்.
Duggatiṃ nābhijānāmi, kusāṭakassidaṃ phalaṃ.
42.
42.
‘‘ஸத்ததிங்ஸே இதோ கப்பே, ஏகோ ஆஸிங் ஜனாதி⁴போ;
‘‘Sattatiṃse ito kappe, eko āsiṃ janādhipo;
ஸுனந்தோ³ நாம நாமேன, சக்கவத்தீ மஹப்³ப³லோ.
Sunando nāma nāmena, cakkavattī mahabbalo.
43.
43.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா அக்கந்தஸஞ்ஞகோ தே²ரோ இமா கா³தா²யோ அபா⁴ஸித்தா²தி;
Itthaṃ sudaṃ āyasmā akkantasaññako thero imā gāthāyo abhāsitthāti;
அக்கந்தஸஞ்ஞகத்தே²ரஸ்ஸாபதா³னங் அட்ட²மங்.
Akkantasaññakattherassāpadānaṃ aṭṭhamaṃ.
Footnotes:
