| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੫੯) ੭. ਆਕਾਸੋ ਸਨਿਦਸ੍ਸਨੋਤਿਕਥਾ
(59) 7. Ākāso sanidassanotikathā
੪੬੩. ਆਕਾਸੋ ਸਨਿਦਸ੍ਸਨੋਤਿ? ਆਮਨ੍ਤਾ। ਰੂਪਂ ਰੂਪਾਯਤਨਂ ਰੂਪਧਾਤੁ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਚਕ੍ਖੁવਿਞ੍ਞੇਯ੍ਯਂ ਚਕ੍ਖੁਸ੍ਮਿਂ ਪਟਿਹਞ੍ਞਤਿ ਚਕ੍ਖੁਸ੍ਸ ਆਪਾਥਂ ਆਗਚ੍ਛਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
463. Ākāso sanidassanoti? Āmantā. Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti? Na hevaṃ vattabbe…pe….
ਆਕਾਸੋ ਸਨਿਦਸ੍ਸਨੋਤਿ? ਆਮਨ੍ਤਾ। ਚਕ੍ਖੁਞ੍ਚ ਪਟਿਚ੍ਚ ਆਕਾਸਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ …ਪੇ॰…।
Ākāso sanidassanoti? Āmantā. Cakkhuñca paṭicca ākāsañca uppajjati cakkhuviññāṇanti? Na hevaṃ vattabbe …pe….
ਚਕ੍ਖੁਞ੍ਚ ਪਟਿਚ੍ਚ ਆਕਾਸਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਆਮਨ੍ਤਾ। ‘‘ਚਕ੍ਖੁਞ੍ਚ ਪਟਿਚ੍ਚ ਆਕਾਸਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ 1 ਸੁਤ੍ਤਨ੍ਤੋਤਿ? ਨਤ੍ਥਿ। ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ 2 – ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਆਕਾਸਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ।
Cakkhuñca paṭicca ākāsañca uppajjati cakkhuviññāṇanti? Āmantā. ‘‘Cakkhuñca paṭicca ākāsañca uppajjati cakkhuviññāṇa’’nti – attheva 3 suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti 4 – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca ākāsañca uppajjati cakkhuviññāṇa’’nti.
੪੬੪. ਨ વਤ੍ਤਬ੍ਬਂ – ‘‘ਆਕਾਸੋ ਸਨਿਦਸ੍ਸਨੋ’’ਤਿ? ਆਮਨ੍ਤਾ। ਨਨੁ ਪਸ੍ਸਤਿ ਦ੍વਿਨ੍ਨਂ ਰੁਕ੍ਖਾਨਂ ਅਨ੍ਤਰਂ, ਦ੍વਿਨ੍ਨਂ ਥਮ੍ਭਾਨਂ ਅਨ੍ਤਰਂ, ਤਾਲ਼ਚ੍ਛਿਦ੍ਦਂ વਾਤਪਾਨਚ੍ਛਿਦ੍ਦਨ੍ਤਿ? ਆਮਨ੍ਤਾ । ਹਞ੍ਚਿ ਪਸ੍ਸਤਿ ਦ੍વਿਨ੍ਨਂ ਰੁਕ੍ਖਾਨਂ ਅਨ੍ਤਰਂ, ਦ੍વਿਨ੍ਨਂ ਥਮ੍ਭਾਨਂ ਅਨ੍ਤਰਂ, ਤਾਲ਼ਚ੍ਛਿਦ੍ਦਂ વਾਤਪਾਨਚ੍ਛਿਦ੍ਦਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਆਕਾਸੋ ਸਨਿਦਸ੍ਸਨੋ’’ਤਿ।
464. Na vattabbaṃ – ‘‘ākāso sanidassano’’ti? Āmantā. Nanu passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddanti? Āmantā . Hañci passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddaṃ, tena vata re vattabbe – ‘‘ākāso sanidassano’’ti.
ਆਕਾਸੋ ਸਨਿਦਸ੍ਸਨੋਤਿਕਥਾ ਨਿਟ੍ਠਿਤਾ।
Ākāso sanidassanotikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਆਕਾਸੋ ਸਨਿਦਸ੍ਸਨੋਤਿਕਥਾવਣ੍ਣਨਾ • 7. Ākāso sanidassanotikathāvaṇṇanā
