| Library / Tipiṭaka / तिपिटक • Tipiṭaka / सारत्थदीपनी-टीका • Sāratthadīpanī-ṭīkā |
आकासट्ठकथावण्णना
Ākāsaṭṭhakathāvaṇṇanā
९६. आकासट्ठकथायं मुखतुण्डकेनाति मुखग्गेन। कलापग्गेनाति पिञ्छकलापस्स अग्गेन। पसारेतीति गहणत्थं पसारेति। अग्गहेत्वा वाति लेड्डुआदीहि पहरित्वा नयनवसेन अग्गहेत्वा वा। आकासट्ठविनिच्छये वुच्चमानेपि तप्पसङ्गेन आकासट्ठस्स वेहासट्ठादिभावमुपगतेपि असम्मोहत्थं ‘‘यस्मिं अङ्गे निलीयती’’तिआदि वुत्तं। अन्तोवत्थुम्हीति परिक्खित्तवत्थुस्स अन्तो। अन्तोगामेति परिक्खित्तस्स गामस्स अन्तो। अपरिक्खित्ते पन वत्थुम्हि, गामे वा ठितट्ठानमेव ठानं। अटविमुखं करोतीति अरञ्ञाभिमुखं करोति। रक्खतीति तेन पयोगेन तस्स इच्छितट्ठानं अगतत्ता रक्खति। भूमिया गच्छन्तं सन्धाय ‘‘दुतियपदवारे वा’’ति वुत्तं। गामतो निक्खन्तस्साति परिक्खित्तगामतो निक्खन्तस्स। कपिञ्जरो नाम एका पक्खिजाति।
96. Ākāsaṭṭhakathāyaṃ mukhatuṇḍakenāti mukhaggena. Kalāpaggenāti piñchakalāpassa aggena. Pasāretīti gahaṇatthaṃ pasāreti. Aggahetvā vāti leḍḍuādīhi paharitvā nayanavasena aggahetvā vā. Ākāsaṭṭhavinicchaye vuccamānepi tappasaṅgena ākāsaṭṭhassa vehāsaṭṭhādibhāvamupagatepi asammohatthaṃ ‘‘yasmiṃ aṅge nilīyatī’’tiādi vuttaṃ. Antovatthumhīti parikkhittavatthussa anto. Antogāmeti parikkhittassa gāmassa anto. Aparikkhitte pana vatthumhi, gāme vā ṭhitaṭṭhānameva ṭhānaṃ. Aṭavimukhaṃ karotīti araññābhimukhaṃ karoti. Rakkhatīti tena payogena tassa icchitaṭṭhānaṃ agatattā rakkhati. Bhūmiyā gacchantaṃ sandhāya ‘‘dutiyapadavāre vā’’ti vuttaṃ. Gāmato nikkhantassāti parikkhittagāmato nikkhantassa. Kapiñjaro nāma ekā pakkhijāti.
आकासट्ठकथावण्णना निट्ठिता।
Ākāsaṭṭhakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / २. दुतियपाराजिकं • 2. Dutiyapārājikaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / २. दुतियपाराजिकं • 2. Dutiyapārājikaṃ
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / भूमट्ठकथादिवण्णना • Bhūmaṭṭhakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / आकासट्ठकथावण्णना • Ākāsaṭṭhakathāvaṇṇanā
