| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၆. အာကာသကထာဝဏ္ဏနာ
6. Ākāsakathāvaṇṇanā
၄၆၀-၄၆၂. ဣဒာနိ အာကာသကထာ နာမ ဟောတိ။ တတ္ထ တိဝိဓော အာကာသော – ပရိစ္ဆေဒာကာသော , ကသိဏုဂ္ဃာဋိမာကာသော, အဇဋာကာသော။ ‘‘တုစ္ဆာကာသော’’တိပိ တသ္သေဝ နာမံ။ တေသု ပရိစ္ဆေဒာကာသော သင္ခတော, ဣတရေ ဒ္ဝေ ပညတ္တိမတ္တာ။ ယေသံ ပန ‘‘ဒုဝိဓောပိ ယသ္မာ သင္ခတော န ဟောတိ, တသ္မာ အသင္ခတော’’တိ လဒ္ဓိ, သေယ္ယထာပိ ဥတ္တရာပထကာနံ မဟိသာသကာနဉ္စ; တေ သန္ဓာယ အာကာသောတိ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ဥတ္တာနတ္ထမေဝာတိ။
460-462. Idāni ākāsakathā nāma hoti. Tattha tividho ākāso – paricchedākāso , kasiṇugghāṭimākāso, ajaṭākāso. ‘‘Tucchākāso’’tipi tasseva nāmaṃ. Tesu paricchedākāso saṅkhato, itare dve paññattimattā. Yesaṃ pana ‘‘duvidhopi yasmā saṅkhato na hoti, tasmā asaṅkhato’’ti laddhi, seyyathāpi uttarāpathakānaṃ mahisāsakānañca; te sandhāya ākāsoti pucchā sakavādissa, paṭiññā itarassa. Sesamettha uttānatthamevāti.
အာကာသကထာဝဏ္ဏနာ။
Ākāsakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၅၈) ၆. အာကာသကထာ • (58) 6. Ākāsakathā
