| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๖. อากาสกถาวณฺณนา
6. Ākāsakathāvaṇṇanā
๔๖๐-๔๖๒. อิทานิ อากาสกถา นาม โหติฯ ตตฺถ ติวิโธ อากาโส – ปริเจฺฉทากาโส , กสิณุคฺฆาฎิมากาโส, อชฎากาโสฯ ‘‘ตุจฺฉากาโส’’ติปิ ตเสฺสว นามํฯ เตสุ ปริเจฺฉทากาโส สงฺขโต, อิตเร เทฺว ปญฺญตฺติมตฺตาฯ เยสํ ปน ‘‘ทุวิโธปิ ยสฺมา สงฺขโต น โหติ, ตสฺมา อสงฺขโต’’ติ ลทฺธิ, เสยฺยถาปิ อุตฺตราปถกานํ มหิสาสกานญฺจ; เต สนฺธาย อากาโสติ ปุจฺฉา สกวาทิสฺส, ปฎิญฺญา อิตรสฺสฯ เสสเมตฺถ อุตฺตานตฺถเมวาติฯ
460-462. Idāni ākāsakathā nāma hoti. Tattha tividho ākāso – paricchedākāso , kasiṇugghāṭimākāso, ajaṭākāso. ‘‘Tucchākāso’’tipi tasseva nāmaṃ. Tesu paricchedākāso saṅkhato, itare dve paññattimattā. Yesaṃ pana ‘‘duvidhopi yasmā saṅkhato na hoti, tasmā asaṅkhato’’ti laddhi, seyyathāpi uttarāpathakānaṃ mahisāsakānañca; te sandhāya ākāsoti pucchā sakavādissa, paṭiññā itarassa. Sesamettha uttānatthamevāti.
อากาสกถาวณฺณนาฯ
Ākāsakathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๕๘) ๖. อากาสกถา • (58) 6. Ākāsakathā
