| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೨. ಅಕಾಲಚೀವರಸಿಕ್ಖಾಪದವಣ್ಣನಾ
2. Akālacīvarasikkhāpadavaṇṇanā
ಯಂ ಅತ್ತನಾ ಲದ್ಧಂ, ತಂ ನಿಸ್ಸಗ್ಗಿಯಂ ಹೋತೀತಿ ಯಂ ಚೀವರಂ ಭಾಜಾಪಿತಾಯ ಅತ್ತನಾ ಲದ್ಧಂ, ತಮೇವ ನಿಸ್ಸಗ್ಗಿಯಂ ಹೋತಿ, ತಂ ವಿನಯಕಮ್ಮಂ ಕತ್ವಾಪಿ ಅತ್ತನಾ ನ ಲಬ್ಭತಿ। ತೇನಾಹ ‘‘ನಿಸ್ಸಟ್ಠ’’ನ್ತಿಆದಿ। ತತ್ಥ ನಿಸ್ಸಟ್ಠಂ ಪಟಿಲಭಿತ್ವಾಪೀತಿ ‘‘ಅಯ್ಯಾಯ, ದಮ್ಮೀ’’ತಿ ಏವಂ ನಿಸ್ಸಟ್ಠಂ ಪಟಿಲಭಿತ್ವಾಪಿ। ಯಥಾದಾನೇಯೇವ ಉಪನೇತಬ್ಬನ್ತಿ ಯಥಾ ದಾಯಕೇಹಿ ದಿನ್ನಂ, ತಥೇವ ಉಪನೇತಬ್ಬಂ, ಅಕಾಲಚೀವರಪಕ್ಖೇಯೇವ ಠಪೇತಬ್ಬನ್ತಿ ವುತ್ತಂ ಹೋತಿ।
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
ಅಕಾಲಚೀವರಸಿಕ್ಖಾಪದವಣ್ಣನಾ ನಿಟ್ಠಿತಾ।
Akālacīvarasikkhāpadavaṇṇanā niṭṭhitā.
