| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౨. అకాలచీవరసిక్ఖాపదవణ్ణనా
2. Akālacīvarasikkhāpadavaṇṇanā
యం అత్తనా లద్ధం, తం నిస్సగ్గియం హోతీతి యం చీవరం భాజాపితాయ అత్తనా లద్ధం, తమేవ నిస్సగ్గియం హోతి, తం వినయకమ్మం కత్వాపి అత్తనా న లబ్భతి. తేనాహ ‘‘నిస్సట్ఠ’’న్తిఆది. తత్థ నిస్సట్ఠం పటిలభిత్వాపీతి ‘‘అయ్యాయ, దమ్మీ’’తి ఏవం నిస్సట్ఠం పటిలభిత్వాపి. యథాదానేయేవ ఉపనేతబ్బన్తి యథా దాయకేహి దిన్నం, తథేవ ఉపనేతబ్బం, అకాలచీవరపక్ఖేయేవ ఠపేతబ్బన్తి వుత్తం హోతి.
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
అకాలచీవరసిక్ఖాపదవణ్ణనా నిట్ఠితా.
Akālacīvarasikkhāpadavaṇṇanā niṭṭhitā.
