| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၅၁. အဇ္ဈာရာမေ ဥပာဟနပဋိက္ခေပကထာ
151. Ajjhārāme upāhanapaṭikkhepakathā
၂၄၈. ‘‘ယေန သိပ္ပေနာ’’တိအာဒိနာ အဘိ အဓိကံ ဇီဝန္တိ အနေနာတိ အဘိဇီဝနံ, ကိံတံ? သိပ္ပန္တိ အတ္ထံ ဒသ္သေတိ။ တသ္သာတိ သိပ္ပသ္သ ။ ဣဓာတိ ဣမသ္မိံ သာသနေ။ ယံသဒ္ဒော ဝစနဝိပလ္လာသောတိ အာဟ ‘‘ယေ တုမ္ဟေ’’တိ။ ဟီတိ သစ္စံ။ ယံနိပာတောတိ ယံဣတိ နိပာတော ယဒိသဒ္ဒသ္သ အတ္ထေ ပဝတ္တတီတိ ယောဇနာ။ အာစရိယာ ဧဝာတိ ဧဝသဒ္ဒေန အာစရိယမတ္တဘာဝံ ပဋိက္ခိပတိ။ ဟီတိ သစ္စံ။ သောတိ အဝသ္သိကော။ တန္တိ ဆဗ္ဗသ္သံ။ နိသ္သာယ ဝစ္ဆတီတိ အဝသ္သိကသ္သ စတုဝသ္သကာလေ ဆဗ္ဗသ္သသ္သ ဒသဝသ္သိကတ္တာ တံ နိသ္သာယ ဝသတိ။ ဥပဇ္ဈာယမတ္တံ ဒသ္သေန္တော အာဟ ‘‘ဥပဇ္ဈာယသ္သာ’’တိအာဒိ။ မဟန္တတရာတိ အတ္တနော ဝုဍ္ဎတရာ။ ဥပဇ္ဈာယသ္သ မတ္တံ ပမာဏမေတေသန္တိ ဥပဇ္ဈာယမတ္တာ။
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
၂၄၉. ပာဒတော နိက္ခန္တေန ခီလသဒိသေန မံသေန ပဝတ္တော အာဗာဓော ပာဒခီလာဗာဓောတိ ဝစနတ္ထံ ဒသ္သေန္တော အာဟ ‘‘ပာဒတော’’တိအာဒိ။ ပာဒတော နိက္ခန္တန္တိ သမ္ဗန္ဓော။
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
၂၅၁. တိဏပာဒုကာတိအာဒီသု တိဏေန ကတာ ပာဒုကာ တိဏပာဒုကာတိ ဝစနတ္ထာဒိံ ဒသ္သေန္တော အာဟ ‘‘ယေန ကေနစိ တိဏေနာ’’တိအာဒိ။ တံ သုဝိညေယ္ယမေဝ။ ‘‘ဘူမိယံ သုပ္ပတိဋ္ဌိတာတိ’’အာဒိနာ န သင္ကမိတဗ္ဗာတိ အသင္ကမနီယာတိ အတ္ထံ ဒသ္သေတိ။
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
၂၅၂. အင္ဂဇာတေနေဝာတိ အတ္တနော အင္ဂဇာတေန ဧဝ။ အင္ဂဇာတန္တိ ဂာဝီနံ အင္ဂဇာတံ။ ဩဂာဟေတ္ဝာတိ ဧတ္ထ ဩတ္ယူပသဂ္ဂော ဒဠ္ဟတ္ထောတိ အာဟ ‘‘ဒဠ္ဟံ ဂဟေတ္ဝာ’’တိ။
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၅၁. အဇ္ဈာရာမေ ဥပာဟနပဋိက္ခေပော • 151. Ajjhārāme upāhanapaṭikkhepo
၁၅၂. ကဋ္ဌပာဒုကာဒိပဋိက္ခေပော • 152. Kaṭṭhapādukādipaṭikkhepo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အဇ္ဈာရာမေဥပာဟနပဋိက္ခေပကထာ • Ajjhārāmeupāhanapaṭikkhepakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā
အဇ္ဈာရာမေ ဥပာဟနပဋိက္ခေပကထာဝဏ္ဏနာ • Ajjhārāme upāhanapaṭikkhepakathāvaṇṇanā
ကဋ္ဌပာဒုကာဒိပဋိက္ခေပကထာဝဏ္ဏနာ • Kaṭṭhapādukādipaṭikkhepakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အဇ္ဈာရာမေဥပာဟနပဋိက္ခေပကထာဒိဝဏ္ဏနာ • Ajjhārāmeupāhanapaṭikkhepakathādivaṇṇanā
