| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਆਜੀવਕਸੁਤ੍ਤવਣ੍ਣਨਾ
2. Ājīvakasuttavaṇṇanā
੭੩. ਦੁਤਿਯੇ ਤੇਨ ਹਿ ਗਹਪਤੀਤਿ ਥੇਰੋ ਕਿਰ ਚਿਨ੍ਤੇਸਿ – ‘‘ਅਯਂ ਇਧ ਆਗਚ੍ਛਨ੍ਤੋ ਨ ਅਞ੍ਞਾਤੁਕਾਮੋ ਹੁਤ੍વਾ ਆਗਮਿ, ਪਰਿਗ੍ਗਣ੍ਹਨਤ੍ਥਂ ਪਨ ਆਗਤੋ। ਇਮਿਨਾ ਪੁਚ੍ਛਿਤਪਞ੍ਹਂ ਇਮਿਨਾવ ਕਥਾਪੇਸ੍ਸਾਮੀ’’ਤਿ। ਇਤਿ ਤਂਯੇવ ਕਥਂ ਕਥਾਪੇਤੁਕਾਮੋ ਤੇਨ ਹੀਤਿਆਦਿਮਾਹ। ਤਤ੍ਥ ਤੇਨ ਹੀਤਿ ਕਾਰਣਾਪਦੇਸੋ। ਯਸ੍ਮਾ ਤ੍વਂ ਏવਂ ਪੁਚ੍ਛਸਿ, ਤਸ੍ਮਾ ਤਞ੍ਞੇવੇਤ੍ਥ ਪਟਿਪੁਚ੍ਛਾਮੀਤਿ। ਕੇਸਂ ਨੋਤਿ ਕਤਮੇਸਂ ਨੁ। ਸਧਮ੍ਮੁਕ੍ਕਂਸਨਾਤਿ ਅਤ੍ਤਨੋ ਲਦ੍ਧਿਯਾ ਉਕ੍ਖਿਪਿਤ੍વਾ ਠਪਨਾ। ਪਰਧਮ੍ਮਾਪਸਾਦਨਾਤਿ ਪਰੇਸਂ ਲਦ੍ਧਿਯਾ ਘਟ੍ਟਨਾ વਮ੍ਭਨਾ ਅવਕ੍ਖਿਪਨਾ। ਆਯਤਨੇવ ਧਮ੍ਮਦੇਸਨਾਤਿ ਕਾਰਣਸ੍ਮਿਂਯੇવ ਧਮ੍ਮਦੇਸਨਾ। ਅਤ੍ਥੋ ਚ વੁਤ੍ਤੋਤਿ ਮਯਾ ਪੁਚ੍ਛਿਤਪਞ੍ਹਾਯ ਅਤ੍ਥੋ ਚ ਪਕਾਸਿਤੋ । ਅਤ੍ਤਾ ਚ ਅਨੁਪਨੀਤੋਤਿ ਅਮ੍ਹੇ ਏવਰੂਪਾਤਿ ਏવਂ ਅਤ੍ਤਾ ਚ ਨ ਉਪਨੀਤੋ। ਨੁਪਨੀਤੋਤਿਪਿ ਪਾਠੋ।
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਆਜੀવਕਸੁਤ੍ਤਂ • 2. Ājīvakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਆਜੀવਕਸੁਤ੍ਤવਣ੍ਣਨਾ • 2. Ājīvakasuttavaṇṇanā
