| Library / Tipiṭaka / ತಿಪಿಟಕ • Tipiṭaka / ಚೂಳನಿದ್ದೇಸಪಾಳಿ • Cūḷaniddesapāḷi |
೧. ಅಜಿತಮಾಣವಪುಚ್ಛಾ
1. Ajitamāṇavapucchā
೫೭.
57.
‘‘ಕೇನಸ್ಸು ನಿವುತೋ ಲೋಕೋ, [ಇಚ್ಚಾಯಸ್ಮಾ ಅಜಿತೋ]
‘‘Kenassu nivuto loko, [iccāyasmā ajito]
ಕೇನಸ್ಸು ನಪ್ಪಕಾಸತಿ।
Kenassu nappakāsati;
ಕಿಸ್ಸಾಭಿಲೇಪನಂ ಬ್ರೂಸಿ, ಕಿಂಸು ತಸ್ಸ ಮಹಬ್ಭಯಂ’’॥
Kissābhilepanaṃ brūsi, kiṃsu tassa mahabbhayaṃ’’.
೫೮.
58.
‘‘ಅವಿಜ್ಜಾಯ ನಿವುತೋ ಲೋಕೋ, [ಅಜಿತಾತಿ ಭಗವಾ]
‘‘Avijjāya nivuto loko, [ajitāti bhagavā]
ವೇವಿಚ್ಛಾ ಪಮಾದಾ ನಪ್ಪಕಾಸತಿ।
Vevicchā pamādā nappakāsati;
ಜಪ್ಪಾಭಿಲೇಪನಂ ಬ್ರೂಮಿ, ದುಕ್ಖಮಸ್ಸ ಮಹಬ್ಭಯಂ’’॥
Jappābhilepanaṃ brūmi, dukkhamassa mahabbhayaṃ’’.
೫೯.
59.
‘‘ಸವನ್ತಿ ಸಬ್ಬಧಿ ಸೋತಾ, [ಇಚ್ಚಾಯಸ್ಮಾ ಅಜಿತೋ]
‘‘Savanti sabbadhi sotā, [iccāyasmā ajito]
ಸೋತಾನಂ ಕಿಂ ನಿವಾರಣಂ।
Sotānaṃ kiṃ nivāraṇaṃ;
ಸೋತಾನಂ ಸಂವರಂ ಬ್ರೂಹಿ, ಕೇನ ಸೋತಾ ಪಿಧಿಯ್ಯರೇ’’॥
Sotānaṃ saṃvaraṃ brūhi, kena sotā pidhiyyare’’.
೬೦.
60.
‘‘ಯಾನಿ ಸೋತಾನಿ ಲೋಕಸ್ಮಿಂ, [ಅಜಿತಾತಿ ಭಗವಾ]
‘‘Yāni sotāni lokasmiṃ, [ajitāti bhagavā]
ಸತಿ ತೇಸಂ ನಿವಾರಣಂ।
Sati tesaṃ nivāraṇaṃ;
ಸೋತಾನಂ ಸಂವರಂ ಬ್ರೂಮಿ, ಪಞ್ಞಾಯೇತೇ ಪಿಧಿಯ್ಯರೇ’’॥
Sotānaṃ saṃvaraṃ brūmi, paññāyete pidhiyyare’’.
೬೧.
61.
ನಾಮರೂಪಞ್ಚ ಮಾರಿಸ।
Nāmarūpañca mārisa;
ಏತಂ ಮೇ ಪುಟ್ಠೋ ಪಬ್ರೂಹಿ, ಕತ್ಥೇತಂ ಉಪರುಜ್ಝತಿ’’॥
Etaṃ me puṭṭho pabrūhi, katthetaṃ uparujjhati’’.
೬೨.
62.
‘‘ಯಮೇತಂ ಪಞ್ಹಂ ಅಪುಚ್ಛಿ, ಅಜಿತ ತಂ ವದಾಮಿ ತೇ।
‘‘Yametaṃ pañhaṃ apucchi, ajita taṃ vadāmi te;
ಯತ್ಥ ನಾಮಞ್ಚ ರೂಪಞ್ಚ, ಅಸೇಸಂ ಉಪರುಜ್ಝತಿ।
Yattha nāmañca rūpañca, asesaṃ uparujjhati;
ವಿಞ್ಞಾಣಸ್ಸ ನಿರೋಧೇನ, ಏತ್ಥೇತಂ ಉಪರುಜ್ಝತಿ’’॥
Viññāṇassa nirodhena, etthetaṃ uparujjhati’’.
೬೩.
63.
ತೇಸಂ ಮೇ ನಿಪಕೋ ಇರಿಯಂ, ಪುಟ್ಠೋ ಪಬ್ರೂಹಿ ಮಾರಿಸ’’॥
Tesaṃ me nipako iriyaṃ, puṭṭho pabrūhi mārisa’’.
೬೪.
64.
‘‘ಕಾಮೇಸು ನಾಭಿಗಿಜ್ಝೇಯ್ಯ, ಮನಸಾನಾವಿಲೋ ಸಿಯಾ।
‘‘Kāmesu nābhigijjheyya, manasānāvilo siyā;
ಕುಸಲೋ ಸಬ್ಬಧಮ್ಮಾನಂ, ಸತೋ ಭಿಕ್ಖು ಪರಿಬ್ಬಜೇ’’ತಿ॥
Kusalo sabbadhammānaṃ, sato bhikkhu paribbaje’’ti.
ಅಜಿತಮಾಣವಪುಚ್ಛಾ ಪಠಮಾ।
Ajitamāṇavapucchā paṭhamā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚೂಳನಿದ್ದೇಸ-ಅಟ್ಠಕಥಾ • Cūḷaniddesa-aṭṭhakathā / ೧. ಅಜಿತಮಾಣವಸುತ್ತನಿದ್ದೇಸವಣ್ಣನಾ • 1. Ajitamāṇavasuttaniddesavaṇṇanā
