| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. अजिनदायकत्थेरअपदानं
2. Ajinadāyakattheraapadānaṃ
६.
6.
‘‘एकत्तिंसे इतो कप्पे, गणसत्थारको अहं।
‘‘Ekattiṃse ito kappe, gaṇasatthārako ahaṃ;
अद्दसं विरजं बुद्धं, आहुतीनं पटिग्गहं॥
Addasaṃ virajaṃ buddhaṃ, āhutīnaṃ paṭiggahaṃ.
७.
7.
‘‘चम्मखण्डं मया दिन्नं, सिखिनो लोकबन्धुनो।
‘‘Cammakhaṇḍaṃ mayā dinnaṃ, sikhino lokabandhuno;
तेन कम्मेन द्विपदिन्द, लोकजेट्ठ नरासभ॥
Tena kammena dvipadinda, lokajeṭṭha narāsabha.
८.
8.
‘‘सम्पत्तिं अनुभोत्वान, किलेसे झापयिं अहं।
‘‘Sampattiṃ anubhotvāna, kilese jhāpayiṃ ahaṃ;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
९.
9.
‘‘एकत्तिंसे इतो कप्पे, अजिनं यं अदासहं।
‘‘Ekattiṃse ito kappe, ajinaṃ yaṃ adāsahaṃ;
दुग्गतिं नाभिजानामि, अजिनस्स इदं फलं॥
Duggatiṃ nābhijānāmi, ajinassa idaṃ phalaṃ.
१०.
10.
‘‘इतो पञ्चमके कप्पे, राजा आसिं सुदायको।
‘‘Ito pañcamake kappe, rājā āsiṃ sudāyako;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
११.
11.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अजिनदायको थेरो इमा गाथायो अभासित्थाति।
Itthaṃ sudaṃ āyasmā ajinadāyako thero imā gāthāyo abhāsitthāti.
अजिनदायकत्थेरस्सापदानं दुतियं।
Ajinadāyakattherassāpadānaṃ dutiyaṃ.
