| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
6. аж̇аад̇асуд̇д̇ам̣
6. Ajātasuttaṃ
43. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
43. Vuttañhetaṃ bhagavatā, vuttamarahatāti me sutaṃ –
‘‘ад̇т̇и, бхигкавз , аж̇аад̇ам̣ абхууд̇ам̣ агад̇ам̣ асан̇кад̇ам̣. но жзд̇ам̣, бхигкавз, абхависса аж̇аад̇ам̣ абхууд̇ам̣ агад̇ам̣ асан̇кад̇ам̣, наяид̇ха ж̇аад̇асса бхууд̇асса гад̇асса сан̇кад̇асса ниссаран̣ам̣ бан̃н̃ааязт̇а. яасмаа жа ко, бхигкавз, ад̇т̇и аж̇аад̇ам̣ абхууд̇ам̣ агад̇ам̣ асан̇кад̇ам̣, д̇асмаа ж̇аад̇асса бхууд̇асса гад̇асса сан̇кад̇асса ниссаран̣ам̣ бан̃н̃ааяад̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Atthi, bhikkhave , ajātaṃ abhūtaṃ akataṃ asaṅkhataṃ. No cetaṃ, bhikkhave, abhavissa ajātaṃ abhūtaṃ akataṃ asaṅkhataṃ, nayidha jātassa bhūtassa katassa saṅkhatassa nissaraṇaṃ paññāyetha. Yasmā ca kho, bhikkhave, atthi ajātaṃ abhūtaṃ akataṃ asaṅkhataṃ, tasmā jātassa bhūtassa katassa saṅkhatassa nissaraṇaṃ paññāyatī’’ti. Etamatthaṃ bhagavā avoca. Tatthetaṃ iti vuccati –
‘‘ж̇аад̇ам̣ бхууд̇ам̣ самуббаннам̣, гад̇ам̣ сан̇кад̇амад̣̇д̇хувам̣;
‘‘Jātaṃ bhūtaṃ samuppannaṃ, kataṃ saṅkhatamaddhuvaṃ;
‘‘аахааранзд̇д̇иббабхавам̣, наалам̣ д̇ад̣̇абхинанд̣̇ид̇ум̣;
‘‘Āhāranettippabhavaṃ, nālaṃ tadabhinandituṃ;
д̇асса ниссаран̣ам̣ санд̇ам̣, ад̇аггааважарам̣ д̇хувам̣.
Tassa nissaraṇaṃ santaṃ, atakkāvacaraṃ dhuvaṃ.
‘‘аж̇аад̇ам̣ асамуббаннам̣, асогам̣ вираж̇ам̣ бад̣̇ам̣;
‘‘Ajātaṃ asamuppannaṃ, asokaṃ virajaṃ padaṃ;
нирод̇хо д̣̇угкад̇хаммаанам̣, сан̇кааруубасамо суко’’д̇и.
Nirodho dukkhadhammānaṃ, saṅkhārūpasamo sukho’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. чадтам̣.
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 6. аж̇аад̇асуд̇д̇аван̣н̣анаа • 6. Ajātasuttavaṇṇanā
