| Library / Tipiṭaka / তিপিটক • Tipiṭaka / উদানপাল়ি • Udānapāḷi |
৭. অজকলাপকসুত্তং
7. Ajakalāpakasuttaṃ
৭. এৰং মে সুতং – একং সমযং ভগৰা পাৰাযং 1 ৰিহরতি অজকলাপকে চেতিযে, অজকলাপকস্স যক্খস্স ভৰনে। তেন খো পন সমযেন ভগৰা রত্তন্ধকারতিমিসাযং অব্ভোকাসে নিসিন্নো হোতি; দেৰো চ একমেকং ফুসাযতি। অথ খো অজকলাপকো যক্খো ভগৰতো ভযং ছম্ভিতত্তং লোমহংসং উপ্পাদেতুকামো যেন ভগৰা তেনুপসঙ্কমি; উপসঙ্কমিত্ৰা ভগৰতো অৰিদূরে তিক্খত্তুং ‘‘অক্কুলো পক্কুলো’’তি অক্কুলপক্কুলিকং অকাসি – ‘‘এসো তে, সমণ, পিসাচো’’তি।
7. Evaṃ me sutaṃ – ekaṃ samayaṃ bhagavā pāvāyaṃ 2 viharati ajakalāpake cetiye, ajakalāpakassa yakkhassa bhavane. Tena kho pana samayena bhagavā rattandhakāratimisāyaṃ abbhokāse nisinno hoti; devo ca ekamekaṃ phusāyati. Atha kho ajakalāpako yakkho bhagavato bhayaṃ chambhitattaṃ lomahaṃsaṃ uppādetukāmo yena bhagavā tenupasaṅkami; upasaṅkamitvā bhagavato avidūre tikkhattuṃ ‘‘akkulo pakkulo’’ti akkulapakkulikaṃ akāsi – ‘‘eso te, samaṇa, pisāco’’ti.
অথ খো ভগৰা এতমত্থং ৰিদিত্ৰা তাযং ৰেলাযং ইমং উদানং উদানেসি –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘যদা সকেসু ধম্মেসু, পারগূ হোতি ব্রাহ্মণো।
‘‘Yadā sakesu dhammesu, pāragū hoti brāhmaṇo;
অথ এতং পিসাচঞ্চ, পক্কুলঞ্চাতিৰত্ততী’’তি॥ সত্তমং।
Atha etaṃ pisācañca, pakkulañcātivattatī’’ti. sattamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / উদান-অট্ঠকথা • Udāna-aṭṭhakathā / ৭. অজকলাপকসুত্তৰণ্ণনা • 7. Ajakalāpakasuttavaṇṇanā
