| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ആഹുനേയ്യസുത്തം
10. Āhuneyyasuttaṃ
൧൦. ‘‘നവയിമേ , ഭിക്ഖവേ, പുഗ്ഗലാ ആഹുനേയ്യാ പാഹുനേയ്യാ ദക്ഖിണേയ്യാ അഞ്ജലികരണീയാ അനുത്തരം പുഞ്ഞക്ഖേത്തം ലോകസ്സ. കതമേ നവ? അരഹാ, അരഹത്തായ പടിപന്നോ, അനാഗാമീ, അനാഗാമിഫലസച്ഛികിരിയായ പടിപന്നോ, സകദാഗാമീ, സകദാഗാമിഫലസച്ഛികിരിയായ പടിപന്നോ, സോതാപന്നോ, സോതാപത്തിഫലസച്ഛികിരിയായ പടിപന്നോ, ഗോത്രഭൂ – ഇമേ ഖോ, ഭിക്ഖവേ, നവ പുഗ്ഗലാ ആഹുനേയ്യാ…പേ॰… അനുത്തരം പുഞ്ഞക്ഖേത്തം ലോകസ്സാ’’തി. ദസമം.
10. ‘‘Navayime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno, sotāpanno, sotāpattiphalasacchikiriyāya paṭipanno, gotrabhū – ime kho, bhikkhave, nava puggalā āhuneyyā…pe… anuttaraṃ puññakkhettaṃ lokassā’’ti. Dasamaṃ.
സമ്ബോധിവഗ്ഗോ പഠമോ.
Sambodhivaggo paṭhamo.
തസ്സുദ്ദാനം –
Tassuddānaṃ –
സമ്ബോധി നിസ്സയോ ചേവ, മേഘിയ നന്ദകം ബലം;
Sambodhi nissayo ceva, meghiya nandakaṃ balaṃ;
സേവനാ സുതവാ സജ്ഝോ, പുഗ്ഗലോ ആഹുനേയ്യേന ചാതി.
Sevanā sutavā sajjho, puggalo āhuneyyena cāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൮-൧൦. സജ്ഝസുത്താദിവണ്ണനാ • 8-10. Sajjhasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൭-൧൦. സുതവാസുത്താദിവണ്ണനാ • 7-10. Sutavāsuttādivaṇṇanā
