| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. အာဟုနေယ္ယသုတ္တံ
10. Āhuneyyasuttaṃ
၁၀. ‘‘နဝယိမေ , ဘိက္ခဝေ, ပုဂ္ဂလာ အာဟုနေယ္ယာ ပာဟုနေယ္ယာ ဒက္ခိဏေယ္ယာ အဉ္ဇလိကရဏီယာ အနုတ္တရံ ပုညက္ခေတ္တံ လောကသ္သ။ ကတမေ နဝ? အရဟာ, အရဟတ္တာယ ပဋိပန္နော, အနာဂာမီ, အနာဂာမိဖလသစ္ဆိကိရိယာယ ပဋိပန္နော, သကဒာဂာမီ, သကဒာဂာမိဖလသစ္ဆိကိရိယာယ ပဋိပန္နော, သောတာပန္နော, သောတာပတ္တိဖလသစ္ဆိကိရိယာယ ပဋိပန္နော, ဂောတ္ရဘူ – ဣမေ ခော, ဘိက္ခဝေ, နဝ ပုဂ္ဂလာ အာဟုနေယ္ယာ။ပေ.။ အနုတ္တရံ ပုညက္ခေတ္တံ လောကသ္သာ’’တိ။ ဒသမံ။
10. ‘‘Navayime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno, sotāpanno, sotāpattiphalasacchikiriyāya paṭipanno, gotrabhū – ime kho, bhikkhave, nava puggalā āhuneyyā…pe… anuttaraṃ puññakkhettaṃ lokassā’’ti. Dasamaṃ.
သမ္ဗောဓိဝဂ္ဂော ပဌမော။
Sambodhivaggo paṭhamo.
တသ္သုဒ္ဒာနံ –
Tassuddānaṃ –
သမ္ဗောဓိ နိသ္သယော စေဝ၊ မေဃိယ နန္ဒကံ ဗလံ။
Sambodhi nissayo ceva, meghiya nandakaṃ balaṃ;
သေဝနာ သုတဝာ သဇ္ဈော၊ ပုဂ္ဂလော အာဟုနေယ္ယေန စာတိ။
Sevanā sutavā sajjho, puggalo āhuneyyena cāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၈-၁၀. သဇ္ဈသုတ္တာဒိဝဏ္ဏနာ • 8-10. Sajjhasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. သုတဝာသုတ္တာဒိဝဏ္ဏနာ • 7-10. Sutavāsuttādivaṇṇanā
