| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. អាហុនេយ្យសុត្តំ
10. Āhuneyyasuttaṃ
១០. ‘‘នវយិមេ , ភិក្ខវេ, បុគ្គលា អាហុនេយ្យា បាហុនេយ្យា ទក្ខិណេយ្យា អញ្ជលិករណីយា អនុត្តរំ បុញ្ញក្ខេត្តំ លោកស្ស។ កតមេ នវ? អរហា, អរហត្តាយ បដិបន្នោ, អនាគាមី, អនាគាមិផលសច្ឆិកិរិយាយ បដិបន្នោ, សកទាគាមី, សកទាគាមិផលសច្ឆិកិរិយាយ បដិបន្នោ, សោតាបន្នោ, សោតាបត្តិផលសច្ឆិកិរិយាយ បដិបន្នោ, គោត្រភូ – ឥមេ ខោ, ភិក្ខវេ, នវ បុគ្គលា អាហុនេយ្យា…បេ.… អនុត្តរំ បុញ្ញក្ខេត្តំ លោកស្សា’’តិ។ ទសមំ។
10. ‘‘Navayime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno, sotāpanno, sotāpattiphalasacchikiriyāya paṭipanno, gotrabhū – ime kho, bhikkhave, nava puggalā āhuneyyā…pe… anuttaraṃ puññakkhettaṃ lokassā’’ti. Dasamaṃ.
សម្ពោធិវគ្គោ បឋមោ។
Sambodhivaggo paṭhamo.
តស្សុទ្ទានំ –
Tassuddānaṃ –
សម្ពោធិ និស្សយោ ចេវ, មេឃិយ នន្ទកំ ពលំ;
Sambodhi nissayo ceva, meghiya nandakaṃ balaṃ;
សេវនា សុតវា សជ្ឈោ, បុគ្គលោ អាហុនេយ្យេន ចាតិ។
Sevanā sutavā sajjho, puggalo āhuneyyena cāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៨-១០. សជ្ឈសុត្តាទិវណ្ណនា • 8-10. Sajjhasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-១០. សុតវាសុត្តាទិវណ្ណនា • 7-10. Sutavāsuttādivaṇṇanā
