| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. আহুনেয্যসুত্তং
10. Āhuneyyasuttaṃ
১০. ‘‘নৰযিমে , ভিক্খৰে, পুগ্গলা আহুনেয্যা পাহুনেয্যা দক্খিণেয্যা অঞ্জলিকরণীযা অনুত্তরং পুঞ্ঞক্খেত্তং লোকস্স। কতমে নৰ? অরহা, অরহত্তায পটিপন্নো, অনাগামী, অনাগামিফলসচ্ছিকিরিযায পটিপন্নো, সকদাগামী, সকদাগামিফলসচ্ছিকিরিযায পটিপন্নো, সোতাপন্নো, সোতাপত্তিফলসচ্ছিকিরিযায পটিপন্নো, গোত্রভূ – ইমে খো, ভিক্খৰে, নৰ পুগ্গলা আহুনেয্যা…পে॰… অনুত্তরং পুঞ্ঞক্খেত্তং লোকস্সা’’তি। দসমং।
10. ‘‘Navayime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno, sotāpanno, sotāpattiphalasacchikiriyāya paṭipanno, gotrabhū – ime kho, bhikkhave, nava puggalā āhuneyyā…pe… anuttaraṃ puññakkhettaṃ lokassā’’ti. Dasamaṃ.
সম্বোধিৰগ্গো পঠমো।
Sambodhivaggo paṭhamo.
তস্সুদ্দানং –
Tassuddānaṃ –
সম্বোধি নিস্সযো চেৰ, মেঘিয নন্দকং বলং।
Sambodhi nissayo ceva, meghiya nandakaṃ balaṃ;
সেৰনা সুতৰা সজ্ঝো, পুগ্গলো আহুনেয্যেন চাতি॥
Sevanā sutavā sajjho, puggalo āhuneyyena cāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮-১০. সজ্ঝসুত্তাদিৰণ্ণনা • 8-10. Sajjhasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. সুতৰাসুত্তাদিৰণ্ণনা • 7-10. Sutavāsuttādivaṇṇanā
